இதேபோல், வெள்ளியின் விலை கிலோவிற்கு 5000 ரூபாய் உயர்ந்துள்ளது. தங்கம் மற்றும் வெள்ளியின் இன்றைய விலை என்ன என்பதை பார்க்கலாம்.

தங்கத்தின் மீதான ஈர்ப்பு

தங்கத்தின் மீதான ஈர்ப்பு மற்ற நாடுகளை விட இந்திய மக்களிடம் அதிகமாகவே உள்ளது. இதன் காரணமாகவே தங்கம் விலை உயர்ந்தாலும் நகைக்கடைகளில் கூட்டம் அதிகரித்தே காணப்படுகிறது. இதற்கு முக்கிய காரணமாக இந்திய திருமணங்களில் தங்கத்திற்கு அதிகளவு முக்கியத்துவம் கொடுக்கப்படுகிறது. இது மட்டுமில்லாமல் மருத்துவம், கல்வி என அத்தியாவசிய தேவைகளுக்கும் தங்கம் ஒரு அட்ஷய பாத்திரமாகவே உள்ளது,. உடனடியாக நகைகளை அடகு வைக்கவோ அல்லது விற்பனை செய்யவோ முடியும் என்பதால் எதிர்கால சேமிப்பாக தங்கத்தின் மீது மக்கள் அதிகளவு முதலீடு செய்து வருகிறார்கள்.

ஏறி இறங்கும் தங்கம் விலை

தங்கத்தின் விலையானது கடந்த 5 வருடங்களில் இமாலய உயரத்தை தொட்டுள்ளது. கடந்த 2020ஆம் ஆண்டு ஒரு சவரன் 35 முதல் 40 ஆயிரம் ரூபாய்க்கு விற்பனையான தங்கத்தின் விலையானது 2026ஆம் ஆண்டு தொடக்கத்தில் யாரும் எதிர்பாராத வகையில் ஒரு சவரன் 1.34 லட்சத்தை எட்டியது. இதனையடுத்து தங்கத்தின் விலையானது படிப்படியாக குறைந்து தற்போது 1.17ஆயிரம் ரூபாய்க்கு விற்பனை செய்யப்படுகிறது. இந்த நிலையில் தங்கத்தின் விலையானது இந்தாண்டு இறுதிக்குள் 2 லட்சம் ரூபாயை எட்ட வாய்ப்பு இருப்பதாக தங்க நகை வியாபாரிகள் தெரிவித்துள்ளனர்.

தங்கம் விலை நிலவரம்

• 23-ம் தேதி தங்கம் விலை கிராம் ஒன்றுக்கு 50 ரூபாய் குறைந்து கிராம் ஒன்றுக்கு 14,730 ரூபாய்க்கும், சவரனுக்கு 400 ரூபாய் குறைந்து 1,17,840 ரூபாய்க்கு விற்பனை.
• 24-ம் தேதி ஞாயிற்றுக்கிழமை என்பதால் தங்கத்தின் விலையில் மாற்றமில்லை.
• 25-ம் தேதி தங்கம் விலை கிராம் ஒன்றுக்கு 50 ரூபாய் உயர்ந்து கிராம் ஒன்றுக்கு 14,780 ரூபாய்க்கும், சவரனுக்கு 400 ரூபாய் உயர்ந்து 1,18,240 ரூபாய்க்கு விற்பனை
• 26-ம் தேதி கிராமிற்கு 50 ரூபாய் குறைந்து, 14,730 ரூபாய்க்கும், சவரனுக்கு 400 ரூபாய் குறைந்து 1,17,840 ரூபாய்க்கும் விற்பனை.
• 27-ம் தேதி கிராமுக்கு 80 ரூபாய் குறைந்து 14,650 ரூபாய்க்கும், சவரனுக்கு 640 ரூபாய் குறைந்து 1,17,200 ரூபாய்க்கு விற்பனை.
• 28-ம் தேதி கிராமுக்கு 150 ரூபாய் குறைந்து 14,500 ரூபாய்க்கும், சவரனுக்கு 1,200 ரூபாய் குறைந்து 1,16,000 ரூபாய்க்கு விற்பனை.

இன்றைய தங்கம் விலை

இந்த நிலையில், தங்கம் விலை இன்று உயர்ந்துள்ளது. அந்த வகையில் கிராமுக்கு 100 ரூபாய் விலை உயர்ந்து, ஒரு கிராம் 14,600 ரூபாய்க்கும், சவரனுக்கு 800 ரூபாய் உயர்ந்து, ஒரு சவரன் 1,16,800 ரூபாய்க்கும் விற்பனையாகிறது.

இன்று உயர்ந்த வெள்ளியின் விலை

இதே போல வெள்ளியின் விலையும் இன்று உயர்ந்துள்ளது. இன்று கிராம் ஒன்றுக்கு 5 ரூபாய் விலை உயர்ந்து 290 ரூபாய்க்கும், ஒரு கிலோ பார் வெள்ளிக்கு 5000 ரூபாய் உயர்ந்து, 2 லட்சத்து 90 ஆயிரம் ரூபாய்க்கு விற்பனை செய்யப்படுகிறது.

Author : ஸ்ரீராம் ஆராவமுதன்