100 மீட்டர் ஓட்டப்பந்தயத்தை 10.09 வினாடிகளில் கடந்து, தேசிய சாதனையை முறியடித்ததோடு காமன்வெல்த் மற்றும் ஆசிய விளையாட்டுகளுக்கான தனது இடத்தையும் உறுதி செய்தார். ராஞ்சியில் நடந்த இந்த இறுதிப் போட்டியில் மின்னல் வேகத்தில் ஓடி, 10.10 வினாடிகளுக்கும் குறைவான நேரத்தில் பந்தயத்தை முடித்த முதல் இந்தியர் என்ற பெருமையை குர்விந்தர் பெற்றார். இதன் மூலம் அனிமேஷ் குஜூரிடம் இருந்த சாதனையை அவர் மீண்டும் தன்வசப்படுத்தினார்.

காமன்வெல்த்திற்கு தகுதி

இந்த போட்டியில் 10.20 வினாடிகளில் இலக்கை எட்டிய அனிமேஷ் குஜூர் இரண்டாவது இடத்தைப் பிடித்தார், அதே நேரத்தில் பிரணவ் பிரமோத் 10.29 வினாடிகளில் பந்தயத்தை முடித்து மூன்றாவது இடத்தைப் பிடித்தார். இறுதிப் போட்டிக்கு முந்தைய நாள் நடந்த அரையிறுதிச் சுற்றுகளிலேயே குர்விந்தரும் குஜூரும் சாதனை படைக்கும் ஆட்டத்தை வெளிப்படுத்தியிருந்தனர். குர்விந்தர் தனது அரையிறுதி சுற்றில் 10.17 வினாடிகளில் இலக்கை எட்டி, கடந்த ஆண்டு குஜூர் படைத்த சாதனையை முறியடித்தார். ஆனால், அடுத்த அரையிறுதி சுற்றில் குஜூர் 10.15 வினாடிகளில் பந்தயத்தை முடித்து தனது தனிப்பட்ட சிறந்த சாதனையுடன் சாதனையை மீண்டும் மீட்டெடுத்தார்.

இந்தத் தொடர் 2026 காமன்வெல்த் போட்டிக்கான தகுதிச் சுற்றாகவும் அமைந்தது. இதில் அனிமேஷ் குஜூர் 10.16 வினாடிகள் என்ற தகுதி வரம்பை முறியடித்தார், ஆனால் குர்விந்தர் வெறும் 0.01 வினாடி வித்தியாசத்தில் அந்த தகுதியை துரதிர்ஷ்டவசமாக தவறவிட்டார். இருப்பினும், சனிக்கிழமை நடந்த இறுதிப் போட்டியில் புதிய சாதனை படைத்து குர்விந்தர் தன்னை நிரூபித்துக் காட்டினார். ஜேம்ஸ் ஹில்லியரின் பயிற்சியின் கீழ் பயிற்சி பெறும் இந்த இரு வீரர்களும் 200 மீட்டர் ஓட்டப்பந்தயத்திலும் போட்டியிடுகின்றனர்.

400 மீட்டர் பிரிவிலும் புதிய வரலாறு

100 மீட்டர் போட்டியைத் தொடர்ந்து, மற்றொரு வரலாற்று நிகழ்வாக 400 மீட்டர் ஓட்டப்பந்தயத்தில் தடகள வீரர் விஷால் டி.கே. புதிய சாதனை படைத்தார். பந்தய தூரத்தை 44.98 வினாடிகளில் கடந்து அசத்திய அவர், 45 வினாடிகளுக்குள் இந்த தூரத்தை கடந்த முதல் இந்திய வீரர் என்ற பெருமையைப் பெற்று தனது சொந்த தேசிய சாதனையை முறியடித்தார்.

Author : ஜேம்ஸ்