இந்த வருடாந்திர விற்பனை, ஜூலை 4-ம் தேதி முதல் ஜூலை 6-ம் தேதி வரை நடைபெறுகிறது. மேலும், இந்த முதன்மை கைபேசி 85,000 ரூபாய்க்கும் குறைவான விலையில் கிடைக்கும் என்று அமேசான் உறுதி செய்துள்ளது. இந்த விலையை அந்த இ-காமர்ஸ் தளம் இந்த ஆண்டின் மிகக் குறைந்த விலை என்று குறிப்பிடுகிறது.

சாம்சங்கின் 2025 முதன்மை மாடலை இன்னும் நியாயமான விலையில் வாங்க காத்திருப்பவர்களுக்கு, இந்த டீல் மிகவும் பயனுள்ளதாகவும், மகிழ்ச்சியானதாகவும் இருக்கும்.

அமேசான் பிரைம் டே விற்பனையில் சாம்சங் கேலக்ஸி எஸ்25 அல்ட்ராவின் விலை எவ்வளவு.?

சாம்சங் கேலக்ஸி எஸ்25 அல்ட்ராவின் அடிப்படை வேரியன்ட், 12ஜிபி ரேம் மற்றும் 256ஜிபி ஸ்டோரேஜ் உடன் வருகிறது. இதன் தற்போதைய விலை அமேசான் இந்தியாவில் 1,29,999 ரூபாய் ஆகும். பிரைம் டே விற்பனையின் போது, ​​ஒருங்கிணைந்த சலுகைகளின் மூலம் இதன் விலை 84,999 ரூபாயாகக் குறையும்.

இந்த டீலின் முழு விவரங்களும் இன்னும் வெளியிடப்படவில்லை என்றாலும், இதில் 9 மாதங்களுக்கான வட்டியில்லா EMI வசதி இடம்பெறும் என அமேசான் உறுதி செய்துள்ளது. மேலும், இந்த சேலின் போது வாங்குபவர்கள் 3 மாதங்களுக்கான அமேசான் மியூசிக் சந்தாவையும் இலவசமாக பெறுவார்கள்.

சாம்சங் கேலக்ஸி எஸ்25 அல்ட்ராவின் விவரக்குறிப்புகள்

சாம்சங் கேலக்ஸி S25 அல்ட்ரா, ஆண்ட்ராய்டு 16-ஐ அடிப்படையாகக் கொண்ட ஒன் யுஐ 7 உடன் ஆண்ட்ராய்டு 15-ல் இயங்குகிறது. இது கேலக்ஸிக்கான ஸ்னாப்டிராகன் 8 எலைட் சிப் மூலம் இயக்கப்படுகிறது. மேலும், 12ஜிபி ரேம் மற்றும் 1டிபி வரையிலான ஸ்டோரேஜ் வசதிகளுடன் வருகிறது. இந்த ஃபோனில் 1,400x3,120 பிக்சல்கள் ரெசல்யூஷன், 1Hz முதல் 120Hz வரையிலான மாறுபடும் ரெஃப்ரெஷ் ரேட் மற்றும் 2,600 நிட்ஸ் உச்சபட்ச பிரகாசம் கொண்ட 6.9-இன்ச் டைனமிக் AMOLED 2X டிஸ்ப்ளே உள்ளது.

கேமராக்களைப் பொறுத்தவரை, இந்தச் சாதனத்தில் நான்கு பின்புற கேமராக்கள் உள்ளன: 2x இன்-சென்சார் ஜூம் மற்றும் OIS உடன் கூடிய 200 மெகாபிக்சல் முதன்மை கேமரா, 50 மெகாபிக்சல் அல்ட்ராவைடு கேமரா, 5x ஆப்டிகல் ஜூம் கொண்ட 50 மெகாபிக்சல் டெலிஃபோட்டோ கேமரா, மற்றும் 3x ஆப்டிகல் ஜூம் மற்றும் OIS உடன் கூடிய 10 மெகாபிக்சல் டெலிஃபோட்டோ கேமரா. முன்புற கேமரா f/2.2 அபெர்ச்சர் கொண்ட 12 மெகாபிக்சல் கேமராவாகும்.

இணைப்பு விருப்பங்களில், 5G, 4G LTE, Wi-Fi 7, புளூடூத் 5.4, NFC, UWB, GPS மற்றும் USB டைப்-C ஆகியவை அடங்கும். இந்த ஃபோன் 45W வயர்டு சார்ஜிங் ஆதரவுடன் 5,000mAh பேட்டரியை கொண்டுள்ளது.

இந்த பவர்ஃபுல்லான போனை இவ்வளவு குறைந்த விலையில் வாங்குவதற்கு இனி ஒரு சந்தர்ப்பம் கிடைக்காது என்றே கூறலாம். அதனால், சாம்சங் கேலக்ஸி எஸ்25 அல்ட்ராவை தங்கள் கனவு போனாக வைத்திருப்பவர்கள், இந்த வாய்ப்பை பயன்படுத்திக்கொள்ளலாம்.

Author : ஸ்ரீராம் ஆராவமுதன்