தமிழ்நாடு சட்டமன்றத்தில் பேரவை விதி 110-ன் கீழ் வெளியான இந்த அறிவிப்பின்படி, தமிழ்நாடு விளையாட்டு மேம்பாட்டு ஆணையத்தின் சார்பில் சென்னையில் உலகத் தரம் வாய்ந்த "தமிழ்நாடு ஒலிம்பிக் நகரம்" (Tamil Nadu Olympic City) அமைக்கப்பட உள்ளது.

நவீன உள்கட்டமைப்பு மற்றும் சிறப்பம்சங்கள்

உள்ளூர் விளையாட்டு வீரர்களின் திறனை சர்வதேச அளவிற்கு மேம்படுத்தும் வகையில் பல்வேறு நவீன வசதிகள் இந்த ஒலிம்பிக் நகரத்தில் ஒருங்கிணைக்கப்பட உள்ளன. உலகத்தரம் வாய்ந்த பிரம்மாண்ட விளையாட்டு அரங்கங்கள் மற்றும் அதிநவீன விளையாட்டு உபகரணங்களுடன் இத்திட்டம் செயல்படவுள்ளது.

மேலும், வீரர்களின் திறனைப் பரிசோதித்து மெருகேற்ற 'உயர்தர செயல்திறன் பயிற்சி மையம்' (High Performance Training Centre), விளையாட்டு அறிவியல் மற்றும் விளையாட்டு மருத்துவ மையங்கள் ஆகியவை இதில் இடம்பெறும். இவற்றுடன், போட்டிகளில் பங்கேற்கும் விளையாட்டு வீரர்கள் மற்றும் அவர்களுக்குப் பயிற்சி அளிக்கும் பயிற்சியாளர்கள் தங்குவதற்கு ஏற்ற வகையில் உயர்தர தங்குமிட வசதிகளும், அனைத்து உள்கட்டமைப்புகளும் முழுமையாக ஏற்படுத்தப்படவுள்ளன.

திட்டத்தின் நோக்கமும் முக்கியப் பயன்களும்

இந்த ஒருங்கிணைந்த விளையாட்டு மையத்தின் முக்கிய நோக்கம், தமிழ்நாட்டைச் சேர்ந்த விளையாட்டு வீரர்களை உலகளாவிய தளத்தில் மிளிரச் செய்வதாகும். சர்வதேச அளவிலான உள்கட்டமைப்புகளும், விஞ்ஞான ரீதியிலான பயிற்சிகளும் ஒரே இடத்தில் கிடைப்பதால், ஒலிம்பிக் போட்டிகள் மற்றும் பிற சர்வதேச விளையாட்டுப் போட்டிகளில் தமிழக வீரர்கள் அதிக எண்ணிக்கையிலான பதக்கங்களை வெல்ல வழிவகை செய்யப்படும். Future-ல் ஒலிம்பிக் பதக்கங்களை வெல்லக்கூடிய மிகச் சிறந்த திறமையான விளையாட்டு வீரர்களை கண்டறிந்து உருவாக்குவதிலும், இந்த தமிழ்நாடு ஒலிம்பிக் நகரம் ஒரு முக்கியப் புள்ளியாகத் திகழும்.

Author : கிஷோர்