இந்த நிலையில் ஆளும் கட்சியாக இருந்த திமுகவுக்கு இந்த தேர்தல் தோல்வி எதிர்பாராத ஒன்றாக அமைந்திருக்கிறது. அதிலும் அக்கட்சி தலைவரும், முதலமைச்சர் வேட்பாளருமான மு.க.ஸ்டாலின் கொளத்தூர் தொகுதியில் தவெக வேட்பாளர் வி.எஸ்.பாபுவிடம் தோல்வியை தழுவியது ஒட்டுமொத்த அரசியல் வரலாற்றிலும் நினைத்துப் பார்க்க முடியாத சம்பவமாக மாறியுள்ளது.

அதுமட்டுமலாமல் தூத்துக்குடியில் கீதா ஜீவன், சிவகங்கை மாவட்டம் திருப்பத்தூரில் கே.ஆர்.பெரிய கருப்பன், திருவெறும்பூரில் அன்பில் மகேஷ், மன்னார்குடியில் டிஆர்பி ராஜா, ஆலந்தூரில் தா.மோ.அன்பரசன், காங்கேயத்தில் வெள்ளக்கோவில் சாமிநாதன், ராசிபுரத்தில் மதிவேந்தன், ஆவடி சா.மு.நாசர், சேலம் வடக்கில் ராஜேந்திரன், ராணிப்பேட்டையில் காந்தி, சைதாப்பேட்டையில் மா.சுப்பிரமணியன், திருச்செந்தூரில் அனிதா ராதாகிருஷ்ணன், மதுரை மத்தியில் பிடிஆர் பழனிவேல் தியாகராஜன், காட்பாடியில் துரை முருகன், மதுரை கிழக்கில் மூர்த்தி ஆகிய சிட்டிங் அமைச்சர்கள் 16 பேர் தோல்வியடைந்தனர். இதில் பெரும்பாலானோர் தவெக வேட்பாளர்களிடம் வெற்றி வாய்ப்பை பறிகொடுத்தனர்.