TVK Vijay: தமிழக வெற்றிக் கழக தலைவர் விஜயால் 118 எம்.எல்.ஏக்களின் ஆதரவை காட்ட முடியாததால், இன்று திட்டமிடப்பட்டு இருந்த பதவியேற்பு நிகழ்ச்சி ரத்து செய்யப்பட்டுள்ளது.

விஜயின் பதவியேற்பு விழா ரத்து..!

தமிழ்நாடு சட்டமன்ற தேர்தலில் 108 இடங்களில் வென்ற தமிழக வெற்றிக் கழகம் தனிப்பெருங்கட்சியாக உருவெடுத்தாலும், பெரும்பான்மைக்கான 118 இடங்களை எட்டவில்லை. தொடர்ந்து, ஆட்சி அமைக்க ஆதரவு அளிக்குமாறு சில கட்சிகளுக்கு கடிதம் அனுப்பினார். அதன்படி, 5 எம்.எல்.ஏக்களை கொண்ட காங்கிரஸ் விஜய்க்கு ஆதரவு அளிப்பதாக அறிவித்தது. இதையடுத்து ஆதரவு எம்.எல்.ஏக்களின் கடிதத்துடன் ஆளுநரை சந்தித்து, ஆட்சி அமைக்க உரிமை கோரினார். ஆனால், இன்னும் போதுமான எம்.எல்.ஏக்களின் ஆதரவு இல்லாததால், பெரும்பான்மையை நிரூபித்த பிறகு பதவி பிரமாணம் செய்து கொள்ளலாமென ஆளுநர் அறிவுறுத்தியுள்ளார். இதனால் நேரு உள்விளையாட்டு அரங்கி தீவிரமாக நடைபெற்று வந்த விஜயின் பதவியேற்பு விழாவிற்கான ஏற்பாடுகள் கைவிடப்பட்டுள்ளதாக தெரிகிறது. தமிழ்நாட்டில் சிறுபான்மை சமூகத்தைச் சேர்ந்த ஒருவர் முதல்முறையாக முதலமைச்சர் ஆகும் நிகழ்வு, திட்டமிட்டபடி இன்று நடைபெறாது என கூறப்படுகிறது.