தவெக தலைவர் விஜய் 2026 சட்டமன்றத் தேர்தலில் பெரம்பூர், திருச்சி கிழக்கு என இரு தொகுதிகளிலும் போட்டியிட உள்ளார். தவெக 234 தொகுதிகளிலும் தனித்துக் களம் காணும் நிலையில், திமுக, அதிமுக ஆகிய கட்சிகள் கூட்டணிகளுடன் களத்தில் உள்ளன. நாம் தமிழர் கட்சி மட்டும் வழக்கம்போல தனித்தே போட்டியிடுகிறது. தமிழ்நாட்டுக்கு ஏப்ரல் 23ஆம் தேதி சட்டமன்றத் தேர்தலுக்கான வாக்குப் பதிவு நடைபெற உள்ளது.

விஜய் Vs ஸ்டாலின்

இந்த நிலையில் பெரம்பூர் தொகுதியில் போட்டியிட வேட்புமனுத் தாக்கல் தொடங்கிய மார்ச் 30ஆம் தேதி அன்றே வியாசர்பாடியில் வேட்புமனுவைத் தாக்கல் செய்தார். சற்றேறக் குறைய அதே நேரத்தில் முதல்வர் ஸ்டாலின் தான் போட்டியிடும் கொளத்தூர் தொகுதியில் வேட்புமனுவைத் தாக்கல் செய்தார்.

விஜய் Vs உதயநிதி ஸ்டாலின்

அதேபோல துணை முதலமைச்சரும் ஸ்டாலினின் மகனுமான உதயநிதி ஸ்டாலின் 2ஆவது முறையாக சேப்பாக்கம் - திருவல்லிக்கேணி தொகுதியில் நிற்கிறார். இதனையொட்டி ஐஸ் ஹவுஸ் பகுதியில் உதயநிதி இன்று (ஏப்ரல் 2) காலை வேட்பு மனுவைத் தாக்கல் செய்தார்.

இந்த நிலையில் திருச்சி கிழக்கு தொகுதியில் போட்டியிடும் விஜய், திருச்சி விமான நிலையத்தில் இருந்து ரோட் ஷோ செய்தார். திறந்தவெளி வாகனத்தில் மேலே ஏறி நின்று, தொண்டர்களிடம் கையசைத்தவாறே வேட்புமனுத் தாக்கல் செய்யும் பாலக்கரை பகுதிக்குச் சென்றார். வேட்புமனுத் தாக்கல் செய்த கையோடு, திருச்சியில் உள்ள எம்ஜிஆர் சிலைக்கு மாலை அணிவித்து மரியாதை செலுத்தினார்.

பேசுபொருளான சம்பவம்

இது எதேச்சையாக நடந்து இருக்கலாம் என்றும் சென்னை, பெரம்பூர் தொகுதியில் தந்தை ஸ்டாலினின் வேட்புமனுத் தாக்கலின்போதும் திருச்சி கிழக்கு தொகுதியில் மகன் உதயநிதி ஸ்டாலின் வேட்புமனுத் தாக்கல் செய்தபோதும் விஜய் மனுத்தாக்கல் செய்தது திட்டமிட்டுத்தான் என்றும் நெட்டிசன்கள் விவாதித்து வருகின்றனர். விஜய், திமுகவுக்கும் தவெகவுக்கும்தான் போட்டியே என்று செல்லும் இடங்களில் எல்லாம் பிரச்சாரம் செய்வது வருவது குறிப்பிடத்தக்கது.

மொத்தத்தில் இது தவெக தலைவரின் தரமான சம்பவம் என்று பேசப்பட்டு வருகிறது.

Author : க.சே.ரமணி பிரபா தேவி