கடும் குளிரில் வரலாற்றுச் சாதனை

• சோதனை சூழல்: லடாக்கில் உள்ள நியோமா, மூத் பகுதியில் கடல் மட்டத்திலிருந்து 22,000 அடி உயரத்தில், மைனஸ் 15 டிகிரி செல்சியஸ் கடும் குளிரில் இந்தச் சோதனை நடத்தப்பட்டது.

• சாகசக் குழு: ஏடிஆர்டிஇ (ADRDE) அமைப்பின் தலைமைச் சோதனையாளர் விங் கமாண்டர் ராகுல்ஜா, முதன்மை வாரண்ட் அதிகாரிகள் ஆர்.ஜே.சிங் மற்றும் விவேக் திவாரி ஆகிய மூவர் இந்தச் சாகசப் பாராசூட் குதிப்பை வெற்றிகரமாகச் செய்து காட்டினர்.

உள்நாட்டுத் தொழில்நுட்பங்கள்

22,000 அடி உயரத்தில் இருந்து குதித்த சோதனைக் குழுவினர், பாராசூட் அமைப்புடன் சேர்த்து உள்நாட்டிலேயே தயாரிக்கப்பட்ட பாரா கம்ப்யூட்டர், ஆக்சிஜன் அமைப்பு மற்றும் சிறப்பு உடைகள் உள்ளிட்ட அனைத்துத் துணை அமைப்புகளையும் வெற்றிகரமாகப் பயன்படுத்தினர். 20,000 அடி உயரத்தில் பாராசூட் திறக்கப்பட்டு, கடல் மட்டத்திலிருந்து 13,700 அடி உயரத்தில் குழுவினர் பாதுகாப்பாகத் தரையிறங்கினர்.

பாதுகாப்புத் துறையில் சுயசார்பு

மிகக் கடுமையான ஆர்க்டிக் காலநிலை நிலவும் உயரமான மலைப் பகுதிகளில், இந்த பாராசூட் அமைப்பின் செயல்திறன் மற்றும் நம்பகத்தன்மை நிரூபிக்கப்பட்டுள்ளது. நாட்டின் பாதுகாப்புத் தொழில்நுட்பத்தில் ‘சுயசார்பு’ இலக்கை அடைவதில் இந்தச் சோதனை மிகப்பெரிய மைல்கல்லாகப் பார்க்கப்படுகிறது.

1,500 கி.மீ. தூரத்தில் உள்ள இலக்கைத் தாக்கும் ஏவுகணைகளை தயாரிக்க மத்திய அரசு திட்டம்