சிவாஜி கணேசனின் பேரன் தர்ஷன் கணேசன் கதாநாயகனாக அறிமுகம் செப்டம்பரில் படம் ரிலீஸ்
டி.டி. பாலச்சந்திரன் இயக்கத்தில் உருவாகி வரும் 'லெனின் பாண்டியன்' திரைப்படத்தின் “பாண்டி முனி கேக்குது” என்ற 3-வது பாடல் நாளை மாலை 6 மணிக்கு வெளியாகும் எனப் படக்குழுவினர் அதிகாரப்பூர்வமாக அறிவித்துள்ளனர்.
தர்ஷன் கணேசன் கதாநாயகனாக அறிமுகம்:
நடிகர்திலகம் மறைந்த சிவாஜி கணேசனின் பேரனான தர்ஷன் கணேசன், இந்தப் படத்தின் மூலம் தமிழ் சினிமாவில் கதாநாயகனாக முதன்முறையாகக் களம் இறங்குகிறார். மேலும், இப்படத்தில் மூத்த திரைக் கலைஞர் கங்கை அமரன் மற்றும் பிரபல நடிகை ரோஜா ஆகியோர் முக்கியக் கதாபாத்திரங்களில் நடித்துள்ளனர்.
இசைஞானி இளையராஜா இசை:
அமைந்துள்ள அனைத்துப் பாடல்களுக்கும் இசைஞானி இளையராஜா இசையமைத்துள்ளார். ஏற்கெனவே இப்படத்தின் இரண்டு பாடல்கள் வெளியாகி ரசிகர்களிடையே நல்ல வரவேற்பைப் பெற்றுள்ள நிலையில், தற்போது “பாண்டி முனி கேக்குது” என்ற 3-வது பாடல் நாளை மாலை 6 மணிக்கு வெளியாகவுள்ளது.
சத்ய ஜோதி ஃபிலிம்ஸ் தயாரிப்பில் உருவாகியுள்ள ‘லெனின் பாண்டியன்’ திரைப்படம் வரும் செப்டம்பர் மாதம் திரையரங்குகளில் உலகளவில் வெளியாகவுள்ளது குறிப்பிடத்தக்கது.
'மண்டாடி' திரைப்பட இசை வெளியீட்டு விழா கோலாகலம்: உணர்ச்சிப்பூர்வமாகப் பேசிய சூரி, படக்குழுவினர்!