போராட்டத்தில் தன்னை இழிவாகப் பேசிய இளைஞர்களை மன்னிப்பதாகத் தெரிவித்து பிரதமர் மோடி வெளியிட்ட வீடியோ செய்திக்கு எதிர்வினையாற்றும் வகையில் அபிஜீத் இந்த அதிரடி அறிக்கையை வெளியிட்டுள்ளார்

சமீபத்தில் நடைபெற்ற போராட்டத்தின் போது, சில இளைஞர்கள் பிரதமர் மற்றும் அவரது மறைந்த தாயார் குறித்துத் தவறான கருத்துக்களைப் பேசியதாகக் கூறி சர்ச்சைகள் எழுந்தன. இது தொடர்பாகப் பிரதமர் மோடி வெளியிட்ட வீடியோவில், “அறியாமையால் தவறு செய்த அந்தச் சிறுவர்களை நான் மன்னிக்கிறேன்; அவர்கள் நாட்டின் எதிர்காலம்” என்று குறிப்பிட்டிருந்தார்.

“வீடியோ ரிலீஸ் மட்டும் போதாது!” - அபிஜீத் சாடல்
பிரதமரின் இந்த வீடியோ பதிவுக்குக் காரசாரமாகப் பதிலளித்துள்ள அபிஜீத் திப்கே, தனது எக்ஸ் (X) தளத்தில் வெளியிட்டுள்ள வீடியோவில் கூறியிருப்பதாவது:

• பொலிஸ் அராஜகம்: ஜூலை 20-ஆம் தேதி நடைபெற்ற அமைதியான போராட்டத்தின் போது, சிறுமிகள் என்றும் பாராமல் மாணவர்கள் மீது காவல்துறை மிருகத்தனமான தடியடியை நடத்தியது.
• மன்னிப்பு வீடியோ தேவை: “இளைஞர்களை மன்னிப்பதாக வீடியோ வெளியிட்ட பிரதமர் மோடி, அதேபோல மாணவர்கள் மீது ஏவப்பட்ட கொடூரத் தாக்குதலுக்கு வருத்தம் தெரிவித்து, பாதிக்கப்பட்ட மாணவிகளிடம் மன்னிப்பு கேட்டு இன்றிரவு மற்றொரு வீடியோ வெளியிட வேண்டும்.”
• வழக்குகளைத் திரும்பப் பெற கோரிக்கை: “வெறும் சமூக வலைதள வீடியோக்கள் (Reels) மூலமாக மட்டும் மன்னிப்பு வழங்குவது உண்மையான தீர்வாகாது; போராட்டத்தில் பங்கேற்ற மாணவர்கள் மீது பதியப்பட்ட பொய் வழக்குகளை அரசு உடனடியாகத் திரும்பப் பெற வேண்டும்.

தொடரும் அரசியல் பரபரப்பு
நீட் தேர்வு விவகாரம் மற்றும் மாணவர் உரிமைகளுக்காகத் தொடர்ச்சியாகக் குரல் கொடுத்து வரும் ‘காக்கரோச் ஜனதா கட்சி’ தலைவரின் இந்த பகிரங்கக் கோரிக்கை, தில்லி அரசியல் வட்டாரத்தில் பெரும் அதிர்வலைகளை ஏற்படுத்தியுள்ளது. பிரதமரின் மன்னிப்பு அறிக்கைக்கும் அபிஜீத்தின் இந்த எதிர்வினைக்கும் இடையே இணையதளங்களில் நெட்டிசன்கள் பலரும் தங்களது ஆதரவுகளையும் எதிர்ப்புகளையும் தெரிவித்து வருவதால், இந்த விவகாரம் தொடர்ந்து சூடுபிடித்து வருகிறது

“QR கோட் ஸ்கேன் செய்வதை நிறுத்தினேன்… பணம் மிச்சமானது!” - சமூக வலைதளங்களில் வைரலாகும் டெல்லி பெண்ணின் புதிய முயற்சி!