இந்த மோசடிகள் காலத்துக்கு ஏற்ப அப்டேட் ஆகிக்கொண்டே வருகின்றன. இந்த வகையில் சமீபத்திய மோசடி வரவில் புதியது - எல்பிஜி காஸ் சிலிண்டர் மோசடி.

மத்திய கிழக்கு நாடுகளுடனான போரினால் இந்தியாவிற்கு காஸ் சிலிண்டர் சப்ளை தட்டுப்பாடுகள் ஏற்பட்டுள்ளன. எனவே அரசு பல்வேறு கெடுபிடிகளை விதித்து வருகிறது.

ஒருவேளை காஸ் சிலிண்டர் கிடைக்கவில்லை என்றால் என்ன செய்வது என்ற பயத்திலேயே மக்கள் காஸ் சிலிண்டர் கிடைக்கிறது என்றாலே அங்கே ஆஜராகி விடுகின்றனர்.

இந்த சூழ்நிலைகளை பயன்படுத்திதான் இப்போது புதுவித மோசடி அரங்கேறி வருகிறது.

"உங்கள் எல்.பி.ஜி.யில் KYC அப்டேட் செய்யப்படவில்லை. குறைந்த ஸ்டாக்கே உள்ளது. உடனே அப்டேட் செய்து ஆர்டர் செய்யுங்கள்."

இன்னமும் உங்களது எல்பிஜியை நீங்கள் ஆதாருடன் இணைக்கவில்லை. உடனே அப்டேட் செய்யுங்கள்.

எல்பிஜி கனெக்ஷனை தொடர உடனே பேமென்ட் செய்யுங்கள். இல்லைணென்றால் உங்கள் கனெக்ஷன் உடனடியாக ரத்து செய்யப்படும்.

இப்படி லிங்குகளுடன் விதவிதமான எல்பிஜி கனெக்ஷன் மெசேஜ்கள் போன்களுக்கு வருகின்றன.

இதில் எந்த லிங்கைத் தொட்டாலும் ஒன்று நம் போனில் உள்ள தகவல்களை திருடி விடுவார்கள். இல்லையென்றால் நமது கணக்கில் உள்ள பணத்தை அபேஸ் செய்து விடுவார்கள்.

இந்த மோவடி குறித்து காவல்துறை எச்சரித்து வருகிறது. தமிழ்நாட்டிலும் அங்கொன்றும் இங்கொன்றுமாக அரங்கேறி வருகிறது.

இந்த மோசடியில் இருந்து தப்பிக்க நீங்கள் எப்பொதும் எப்படி காஸ் சிலிண்டர்களை புக் செய்வீர்களோ அதே வழக்கமான முறையில் மட்டும் புக் செய்யுங்கள். மேலும் இப்படி எந்த லிங்க் வந்தாலும் உடனே 1930 என்ற சைபர் கிரைம் எண்ணுக்கு தொடர்பு கொண்டு அந்த மெசேஜ்களை அவர்களுக்கு அனுப்பி புகார் செய்யுங்கள்.

இவ்விதமான மெசேஜ்கள் ஏதாவது உங்களுடைய போனுக்கு வந்தால் உடனே உங்கள் காஸ் சிலிண்டர் அலுவலகத்தை தொடர்பு கொண்டு பேசி சந்தேகங்களை தீர்த்து பயன் பெறுங்கள்.

மிக…மிக…. கவனம்.