ஜோசப் விஜய் அவர்களின் சொந்தத் தொகுதியான பெரம்பூர் தற்போது விஐபி (VIP) அந்தஸ்தைப் பெற்றுள்ளது. இதன் காரணமாக, சென்னை மாநகராட்சி மற்றும் பல்வேறு அரசுத் துறைகள் பெரம்பூர் தொகுதியின் உள்கட்டமைப்பை மேம்படுத்தும் பணிகளில் அதிரடியாகக் களம் இறங்கியுள்ளன. அந்த வகையில், பெரம்பூர் தொகுதியில் முதற்கட்டமாக சுமார் 100 கோடி ரூபாய் மதிப்பீட்டிலான பிரம்மாண்ட உள்கட்டமைப்புத் திட்டங்களைச் செயல்படுத்த சென்னை மாநகராட்சி அதிரடி முடிவு எடுத்துள்ளது.

இந்த மெகா திட்டங்களுக்கான நிதியானது சென்னை மாநகராட்சி நிதி (GCC Allocations), மாநில அரசின் நிதி (State Grants) மற்றும் முதலமைச்சரின் சிறப்பு நிதி (Chief Minister’s Special Funds) ஆகியவற்றை ஒருங்கிணைத்துத் திரட்டப்பட உள்ளது. முதலமைச்சரின் சொந்தத் தொகுதி என்பதால், பொதுமக்கள் நீண்ட நாட்களாகக் கோரி வந்த முக்கியத் தேவைகளை நிறைவேற்றும் விதமாக இந்த உள்கட்டமைப்புப் பணிகள் தற்போதே முடுக்கிவிடப்பட்டுள்ளன.

6 ஏக்கரில் பிரம்மாண்ட விளையாட்டு வளாகம்:

பெரம்பூர் ஜி.என்.டி (GNT) சாலைக்கு அருகே அமைந்துள்ள 6 ஏக்கர் பரப்பளவிலான நிலத்தில் ஒரு பிரம்மாண்டமான ஒருங்கிணைந்த விளையாட்டு வளாகம் (Integrated Sports Complex) அமைக்கப்பட உள்ளது. வடசென்னை இளைஞர்களின் விளையாட்டுத் திறனை ஊக்குவிக்கும் வகையில் அமையவுள்ள இந்த அதிநவீன வளாகத்தில் கால்பந்து மைதானம், கிரிக்கெட் வலைப்பயிற்சி கூடங்கள், இறகுப்பந்து மற்றும் கைப்பந்து மைதானங்கள் உள்ளிட்ட பல விளையாட்டுகளுக்கான பிரத்யேக வசதிகள் உலகத்தரம் வாய்ந்த உள்கட்டமைப்புடன் உருவாக்கப்பட உள்ளன.

நவீன மருத்துவமனை மற்றும் ‘புட் ஸ்ட்ரீட்’ திட்டங்கள்:

• சத்தியமூர்த்தி நகரில் நவீன மருத்துவமனை: பெரம்பூர் தொகுதிக்கு உட்பட்ட சத்தியமூர்த்தி நகரில் தரைத்தளத்துடன் சேர்த்து 3 அடுக்கு மாடிகளைக் கொண்ட அதிநவீன மருத்துவமனை ஒன்று கட்டப்பட உள்ளது. உள்நோயாளி (Inpatient) பிரிவுகள் மற்றும் அவசர சிகிச்சை வசதிகளுடன் அமையவுள்ள இந்த மருத்துவமனை, வியாசர்பாடி மற்றும் கொடுங்கையூர் பகுதி மக்களின் மருத்துவத் தேவைகளைப் பெருமளவில் பூர்த்தி செய்யும்.
• எம்.கே.பி நகரில் Food Street: பெரம்பூர் எம்.கே.பி நகரில் உள்ள நார்த் அவென்யூ சாலைப் பகுதியை அண்ணா நகர் பாணியில் ஒரு புதிய ‘உணவு வீதியாக’ (Food Street) மாற்ற சென்னை மாநகராட்சி திட்டமிட்டுள்ளது. தற்போது பயன்பாட்டில் இல்லாத இந்த அகலமான சாலைப் பகுதி, நவீன விளக்குகள் மற்றும் வசதிகளுடன் புதுப்பிக்கப்பட்டு மக்கள் விரும்பி வரும் பொழுதுபோக்கு உணவுப் பகுதியாக மாற்றப்படும்.

மேலும், நீண்ட நாட்களாகச் செடி, கொடிகளால் சூழப்பட்டுத் தூர்ந்து போயிருந்த வியாசர்பாடி குளம் (Vyasarpadi Pond) முழுமையாகச் சீரமைக்கப்பட்டு, அப்பகுதி மக்கள் தங்களது மாலை நேரங்களை மகிழ்வோடு செலவிடும் வகையில் ஒரு அழகான பொழுதுபோக்கு பூங்காவாகவும், நீர்நிலையாகவும் மீட்டெடுக்கப்பட உள்ளது. தமிழக முதல்வர் விஜய்யின் இந்த அதிரடித் திட்டங்கள், பெரம்பூர் தொகுதியின் முகவரியையே முற்றிலும் மாற்றியமைக்கும் எனத் தொகுதி மக்கள் பெரும் மகிழ்ச்சி தெரிவித்துள்ளனர்!