இந்தியாவுக்குள் 250 கிலோமீட்டர் ஊடுருவி, ஆர்எஸ்எஸ் அமைப்பினரின் வீடுகள் மற்றும் முகாம்களில் தாக்குதல் நடத்துவோம் என்று அவர் கூறியுள்ளார். இதற்கு பதிலடி கொடுத்துள்ள இந்திய பாதுகாப்பு துறை அமைச்சர் ராஜ்நாத் சிங், பாகிஸ்தான் இத்தகைய முயற்சியில் ஈடுபட்டால், இதுவரை அந்த நாடு சந்திக்காத, கற்பனை செய்திராத அளவிலான மிக உக்கிரமான நிச்சயமான பதிலடி காத்திருக்கும் என்று எச்சரித்துள்ளார்.

பாகிஸ்தான் அமைச்சரின் இந்த வெற்று மிரட்டலுக்கு பின்னால் அந்த நாட்டின் உள்நாட்டு சிதைவு ஒளிந்துள்ளது. ஈரான்-இஸ்ரேல் போர் மற்றும் ஹார்முஸ் ஜலசந்தி முடக்கம் காரணமாக உலகளவில் எரிபொருள் விலை உயர்ந்துள்ள நிலையில், பாகிஸ்தானில் பெட்ரோல், டீசல் விலை லிட்டருக்கு 500 ரூபாயை தாண்டியுள்ளது. 15% பணவீக்கம், 7 கோடிக்கும் அதிகமான மக்கள் வறுமை கோட்டிற்கு கீழ் இருப்பது என அந்த நாடு நிலைகுலைந்து போயுள்ளது. பலுஜிஸ்தான் மாகாணத்தில் மக்கள் வாழ்வாதாரத்தை இழந்து தவிக்கின்றனர், கைபர் பக்துன்க்வாவில் தலிபான் கிளர்ச்சியாளர்கள் ஆதிக்கம் செலுத்துகின்றனர்.

முக்கியமாக, ஈரான் சுப்ரீம் லீடர் அயத்துல்லா அலி கொமேனி மீதான தாக்குதலுக்கு பிறகு பாகிஸ்தானில் உள்ள ஷியா பிரிவினர் கடும் கொந்தளிப்பில் உள்ளனர். இஸ்லாமாபாத் போராட்டத்தில் பலர் உயிரிழந்துள்ளனர். மேலும், சிந்து நதி நீர் ஒப்பந்தத்தில் இந்தியா காட்டி வரும் உறுதி மற்றும் கோடைகால நீர் தட்டுப்பாடு பாகிஸ்தானின் விவசாயத்தை முடக்கப்போகிறது. இத்தகைய இக்கட்டான சூழலில் இருந்து மக்கள் கவனத்தை திசைதிருப்பவே, பாகிஸ்தான் ஆட்சியாளர்கள் ‘இந்தியா எதிர்ப்பு’ மற்றும் ‘இந்து எதிர்ப்பு’ என்ற பழைய ஆயுதத்தை கையில் எடுத்துள்ளனர். ஆனால், இன்றைய ‘புதிய இந்தியா’ ஒரு அடிக்கு பதில் அடியாக இல்லாமல், எதிரி மீண்டும் கை தூக்க முடியாத அளவிற்கு தாக்குதல் நடத்தும் வல்லமை கொண்டது என்பதை அவர்கள் உணர வேண்டும். பிரம்மோஸ் ஏவுகணை என்றாலே நடுங்கும் பாகிஸ்தான், இந்தியாவுடன் போரை பற்றிப் பேசுவது முட்டாள்தனமானது.

இந்தியாவின் உள்நாட்டு பாதுகாப்பை பொறுத்தவரை, நக்சலிசம் மிகப்பெரிய அளவில் ஒடுக்கப்பட்டுள்ளது. ஒரு காலத்தில் 126 மாவட்டங்களில் பரவியிருந்த இந்த அச்சுறுத்தல், தற்போது வெறும் 10 மாவட்டங்களாக குறைக்கப்பட்டுள்ளது. இந்த மாபெரும் வெற்றிக்கு மத்திய அரசின் திட்டமிடலும், சிஆர்பிஎஃப் பிரிவின் கீழ் உள்ள ‘கோப்ரா கமாண்டோக்களின்’ வீரமும் தான் முக்கிய காரணம். அடர்ந்த காடுகளுக்குள் புகுந்து நக்சல்களின் நிழல் அரசாங்கத்தை வேரோடு அழித்த பெருமை இந்த வீரர்களையே சாரும்.

தற்போது இதே போன்ற ஒரு அதிரடி நடவடிக்கை ‘போதைப்பொருள் நெட்வொர்க்’ மீதும் பாய வேண்டும் என்ற கோரிக்கை எழுந்துள்ளது. நக்சலைட்டுகளை ஒழிப்பதில் காட்டப்பட்ட அதே தீவிரத்தை, தமிழகம் உள்ளிட்ட மாநிலங்களில் பரவியுள்ள போதைப்பொருள் கும்பலை ஒழிப்பதிலும் காட்ட வேண்டும். இல்லையெனில், நாட்டின் எதிர்காலத் தூண்களான இளைஞர்களை காப்பாற்ற முடியாமல் போய்விடும். ரெட் காரிடார் சிதைக்கப்பட்டது போல, போதைப்பொருள் பாதைகளும் சுக்குநூறாக உடைக்கப்பட வேண்டியது காலத்தின் கட்டாயம்.