2026ஆம் ஆண்டு தமிழ்நாட்டின் சட்டமன்ற தேர்தலில், நடிகர் மற்றும் தமிழக வெற்றிக் கழகத் தலைவர் விஜய் தான் நின்ற பெரம்பூர் மற்றும் திருச்சி கிழக்கு உள்ளிட்ட 2 தொகுதிகளிலும் வெற்றிகளைப் பதிவு செய்துள்ளார்.

சென்னை பெரம்பூர் தொகுதியில் போட்டியிட்ட விஜய், வாக்கு எண்ணிக்கையின் தொடக்கம் முதலே முன்னிலை வகித்து வந்தார். இறுதியாக பெரும்பான்மையான வாக்குகள் பெற்று வெற்றி பெற்றதாக தேர்தல் தகவல்கள் தெரிவிக்கின்றன. அவருக்கு 51 ஆயிரத்துக்கும் மேற்பட்ட வாக்குகள் கிடைத்ததாக ஆரம்ப நிலவரங்களில் தெரிவிக்கப்பட்டது.

இதனைத் தொடர்ந்து, திருச்சி கிழக்கு பகுதிகளிலும் அவரது கட்சி வலுவான முன்னிலை பெற்று வெற்றிப்பெற்றது. மேலும், தேர்தல் முடிவுகள் வெளிவரும் போது, பல்வேறு தொகுதிகளில் தமிழக வெற்றிக் கழகம் கணிசமான ஆதரவை பெற்றுள்ளது குறிப்பிடத்தக்கது.

இந்த வெற்றி, நடிகர் விஜயின் அரசியல் பயணத்தில் முக்கிய திருப்புமுனையாக பார்க்கப்படுகிறது. புதிய கட்சியாக இருந்தாலும், மக்கள் மத்தியில் பெரும் ஆதரவைப் பெற்றிருப்பது அரசியல் வட்டாரங்களில் கவனத்தை ஈர்த்துள்ளது.

வெற்றியைத் தொடர்ந்து, கட்சித் தலைமையகம் மற்றும் விஜயின் இல்லம் முன்பு ஆதரவாளர்கள் உற்சாகக் கொண்டாட்டங்களில் ஈடுபட்டனர். மேலும், வெற்றி பெற்ற வேட்பாளர்களை நேரில் சந்தித்து வாழ்த்த விஜய் திட்டமிட்டுள்ளதாகவும் தகவல்கள் தெரிவிக்கின்றன.