பெங்களூரு - தென்காசி

வண்டி எண் 06513 பெங்களூர் கண்டோன்மெண்ட் நிலையத்தில் மே 24 ஞாயிறு 10.20க்குப் புறப்பட்டு, மறுநாள் மே 25 திங்கள் மதியம் 1 மணிக்கு தென்காசி வந்தடையும்.

இதில், SL, 3A, 2S என மொத்தம் 20 பெட்டிகள் இணைக்கப்படும். 5 இரண்டாம் வகுப்பு படுக்கை வசதி பெட்டிகள் 12 பொதுப்பெட்டிகளும் இணைக்கப்படும்.

இந்த ரயில் ஹோசூர், தர்மபுரி, சேலம், நாமக்கல், கரூர், திண்டுக்கல், கொடைக்கானல் ரோடு, மதுரை, விருதுநகர், சிவகாசி, ஸ்ரீவில்லிபுத்தூர், ராஜபாளையம், சங்கரன்கோயில், கடையநல்லூர், தென்காசி வழியாக இயக்கப்படுகிறது.

செங்கோட்டை - பெங்களூரு

பெங்களூரு-செங்கோட்டை - பெங்களூரு கன்டோன்மென்ட் இடையே ஒரு வழி சிறப்பு எக்ஸ்பிரஸ் ரயில் இயக்கம்!

செங்கோட்டை: கோடைக்கால விடுமுறை நெரிசலையும், வார இறுதி நாட்களின் கூடுதல் பயணிகளையும் கருத்தில் கொண்டு, செங்கோட்டையிலிருந்து பெங்களூரு கன்டோன்மென்ட் (BNC) நோக்கி மே 25 அன்று ஒரு பிரத்யேக ஒற்றை வழி சிறப்பு எக்ஸ்பிரஸ் ரயில் (One-Way Summer Special Express) இயக்கப்படும் என்று தென்மேற்கு இரயில்வே நிர்வாகம் அறிவித்துள்ளது.

நெல்லை, தென்காசி மற்றும் விருதுநகர் மாவட்டங்களைச் சேர்ந்த பொதுமக்கள், வார இறுதி நாட்களைக் கழித்துவிட்டு எளிதாகப் பெங்களூரு திரும்பும் வகையில் இந்த இரவு நேரச் சேவை திட்டமிடப்பட்டுள்ளது.

ALSO READ:மேற்கு வங்க முதல்வராக பதவி ஏற்றார் சுவேந்து அதிகாரி! விழாவில் பிரதமர் மோடி பங்கேற்பு!

புறப்படும் மற்றும் வந்தடையும் நேர விவரங்கள்:
செங்கோட்டை - பெங்களூரு கன்டோன்மென்ட் சிறப்பு எக்ஸ்பிரஸ் (வண்டி எண்: 06514), 2026 மே 25 (திங்கட்கிழமை) அன்று இரவு 23:00 மணிக்குச் செங்கோட்டை ரயில் நிலையத்திலிருந்து புறப்படும். இந்த ரயில் தென்காசி, ராஜபாளையம், மதுரை, சேலம் மற்றும் ஓசூர் வழியாகப் பயணித்து, மறுநாள் மே 26 (செவ்வாய்க்கிழமை) மதியம் 13:00 மணிக்கு பெங்களூரு கன்டோன்மென்ட் நிலையத்தை வந்தடையும்.