ஜூன் 26 - மபொசி ஐயா பிறந்தநாள் வாழ்த்துப்பா

- பத்மன் -

அச்சுக் கோர்க்கும் பணிபுரிந்தார்
நச்சு மனிதரைப் பணியவைத்தார்,
பிச்சுப் பிடித்த கருத்துகளைப்
பிச்சுப் போட்டுப் புரியவைத்தார்.

சிலம்பைப் பழித்த சிறியோரைச்
சிலிர்த்தே எழுந்துச் சிலம்பிட்டார்,
சிலிம்பின் புகழை உலகெங்கும்
சிறப்பாய் ஊன்றி நிறுத்திட்டார்.

வடவேலவன் குன்றம் மீட்டிட்டார்
தென்குமரியும் சேர்ந்திட போரிட்டார்,
தமிழன் உணர்வதை உயர்த்திடவே
தமிழரசு கொண்டு உழைத்திட்டார்.

பாரதி புகழைப் பரப்பிட்டார்
பாரதப் பெருமை போற்றிட்டார்,
தமிழன் தேசிய வாதியென்றே
தரணியில் ஓங்கி மொழிந்திட்டார்.