நைரோபி-மொம்பாசா தேசிய நெடுஞ்சாலையில் நடந்த இந்த விபத்து அப்பகுதியில் பெரும் சோகத்தை ஏற்படுத்தியுள்ளது.

கென்யாவில் உள்ள முக்கியச் சாலைகளில் ஒன்றான நைரோபி-மொம்பாசா தேசிய நெடுஞ்சாலையில், கிறிஸ்தவ பக்தர்கள் சிலர் மத நிகழ்ச்சியொன்றில் கலந்துகொள்வதற்காக வேன் ஒன்றில் உற்சாகமாகப் பயணித்துக் கொண்டிருந்தனர்.

அப்போது அந்த வழியாக வந்த லாரி ஒன்று எதிர்பாராதவிதமாக ஓட்டுநரின் கட்டுப்பாட்டை இழந்து, தாறுமாறாக ஓடி எதிரே வந்த பக்தர்கள் ஊர்தி (வேன்) மீது பயங்கரமாக மோதியது.

இந்த விபத்தின் தாக்கம் மிகவும் தீவிரமாக இருந்ததால், வேனில் பயணித்த பயணிகள் அனைவரும் உடல் நசுங்கிச் சம்பவ இடத்திலேயே பரிதாபமாக உயிரிழந்தனர். இந்தச் விபத்தில் மொத்தம் 17 பக்தர்கள் உயிரிழந்தது உறுதி செய்யப்பட்டுள்ளது. மேலும், விபத்தில் படுகாயமடைந்தவர்களை மீட்டு அருகில் உள்ள மருத்துவமனைகளில் தீவிர சிகிச்சைக்காக அனுமதித்துள்ளதாகக் காவல்துறையினர் தெரிவித்துள்ளனர்.