சென்னை : தமிழ்நாடு சட்டமன்றத்தின் 17வது சட்டப்பேரவைக்கான தேர்தல் கடந்த ஏப்ரல் 23, 2026 அன்று நடைபெற்றது.

234 தொகுதிகளுக்கான வாக்குப்பதிவு ஒரே கட்டமாக நடைபெற்ற இந்தத் தேர்தலில், 85.1% வாக்குகள் பதிவாகியுள்ளன.

இது தமிழ்நாடு சட்டமன்றத் தேர்தல் வரலாற்றில் இதுவரை இல்லாத உயர் வாக்குப்பதிவு சதவீதமாகும்.மே 4, 2026 அன்று வாக்கு எண்ணிக்கை நடைபெற்று முடிவுகள் அறிவிக்கப்பட்ட நிலையில், தமிழக வெற்றிக் கழகம் (தவெக) பெரும் எதிர்பார்ப்பை ஏற்படுத்தியுள்ளது. 233 தொகுதிகளில் தனித்துப் போட்டியிட்ட தவெக, 34.92% வாக்குகளுடன் முதலிடத்தைப் பிடித்துள்ளது.

திமுக 24.19% வாக்குகளுடன் இரண்டாவது இடத்திலும், அதிமுக 21.21% வாக்குகளுடன் மூன்றாவது இடத்திலும் உள்ளன.திமுக 164 தொகுதிகளில் போட்டியிட்டு 59 தொகுதிகளை கைப்பற்றியுள்ளது. திமுக தலைமையிலான கூட்டணி மொத்தம் 73 தொகுதிகளை வென்றுள்ள நிலையில், திமுக தனிப்பெரும் எதிர்க்கட்சியாக உருவெடுத்துள்ளது. இதனால், சட்டமன்றத்தில் திமுக தலைவராக உதயநிதி ஸ்டாலின் தேர்ந்தெடுக்கப்படும் வாய்ப்பு அதிகமாக உள்ளது.