சென்னையில் தங்கம் விலை கடந்த இரு நாட்களில் பெரும் ஏற்ற இறக்கத்தைச் சந்தித்துள்ளது. நேற்று (மே 5, செவ்வாய்க்கிழமை) தங்கம் விலை அதிரடியாகக் குறைந்தது.

ஒரு கிராம் தங்கம் ரூ.180 குறைந்து ரூ.13,820-க்கும், ஒரு சவரன் தங்கம் ரூ.1,440 குறைந்து ரூ.1,10,560-க்கும் விற்பனையானது.

இந்நிலையில், இன்று (மே 6, புதன்கிழமை) தங்கம் விலை மீண்டும் கணிசமான அளவில் உயர்ந்துள்ளது. ஒரு கிராம் தங்கம் ரூ.230 உயர்ந்து ரூ.14,050-க்கும், ஒரு சவரன் தங்கம் ரூ.1,840 உயர்ந்து ரூ.1,12,400-க்கும் விற்பனை செய்யப்படுகிறது.ஒரே நாளில் ரூ.1,440 குறைந்த தங்கம், அடுத்த நாளில் ரூ.1,840 உயர்ந்துள்ளது.

இந்த ஏற்ற இறக்கம் தங்கம் வாங்க நினைப்பவர்களிடையே பெரும் குழப்பத்தையும், அதிர்ச்சியையும் ஏற்படுத்தியுள்ளது.திருமணம், பண்டிகை மற்றும் முதலீட்டு நோக்கங்களுக்காக தங்கம் வாங்க திட்டமிட்டிருப்பவர்கள், சந்தை நிலவரத்தை உன்னிப்பாக கவனித்து முடிவு எடுக்குமாறு வர்த்தகர்கள் அறிவுறுத்தியுள்ளனர்.