சென்னை: தமிழ்நாட்டில் ஆட்சி அமைக்க தேவையான பெரும்பான்மை ஆதரவைப் பெறும் முயற்சியில் தமிழக வெற்றிக் கழகம் (தவெக) தலைவர் விஜய்க்கு இந்திய தேசிய காங்கிரஸ் அதிகாரப்பூர்வ ஆதரவு அளித்துள்ளது.

இன்று சென்னையில் தவெக தலைவர் விஜயை தமிழ்நாடு காங்கிரஸ் தலைவர் செல்வப்பெருந்தகை, அகில இந்திய காங்கிரஸ் கமிட்டி (AICC) தமிழ்நாடு பொறுப்பாளர் கிரிஷ் சோடங்கர், பிரவீன் சக்கரவர்த்தி உள்ளிட்ட முக்கிய தலைவர்கள் சந்தித்தனர்.

இந்தச் சந்திப்பின்போது, காங்கிரஸ் எம்எல்ஏக்களின் ஆதரவுக் கடிதத்தை விஜயிடம் ஒப்படைத்தனர்.சந்திப்பின்போது, கிரிஷ் சோடங்கர் விஜய்க்கு காங்கிரஸ் துண்டு (shawl) அணிவித்து மரியாதை செய்தார். இந்த நிகழ்வு இரு கட்சிகளுக்கும் இடையிலான உறவை வலுப்படுத்தும் வகையில் அமைந்தது.காங்கிரஸ் ஆதரவின் முக்கியத்துவம் தவெக 108 தொகுதிகளில் வெற்றி பெற்றுள்ள நிலையில், ஆட்சி அமைக்க தேவையான 118 உறுப்பினர்களின் பெரும்பான்மைக்கு இன்னும் 10 ஆதரவு தேவைப்படுகிறது. இந்தச் சூழலில் காங்கிரஸின் ஆதரவு விஜய்க்கு மிக முக்கியமானதாக அமைந்துள்ளது.

காங்கிரஸ் தரப்பில், "மதச்சார்பற்ற அரசியலை மதித்தும், மக்களின் விருப்பத்தை நிறைவேற்றும் வகையிலும் தவெக அரசுக்கு முழு ஆதரவு அளிக்கப்படுகிறது" என்று தெரிவிக்கப்பட்டுள்ளது. அதேசமயம், பாஜக உள்ளிட்ட மதவாத சக்திகளுடன் எந்த வகையிலும் தொடர்பு கொள்ளக்கூடாது என்பது முக்கிய நிபந்தனையாக வைக்கப்பட்டுள்ளது.

இந்தச் சந்திப்புக்குப் பிறகு, தவெகவும் காங்கிரஸும் இணைந்து ஆட்சி அமைக்கும் பணிகளை துரிதப்படுத்துவார்கள் என்று எதிர்பார்க்கப்படுகிறது. விரைவில் ஆளுநரை சந்தித்து ஆட்சி அமைக்க உரிமை கோரும் நடவடிக்கைகளும் தொடங்கும் என தகவல்கள் வெளியாகியுள்ளன.