ஈரானிய துறைமுகங்கள் மீதான அமெரிக்க முற்றுகையை மீறி நுழைய முயன்ற மற்றொரு வர்த்தகக் கப்பலை அமெரிக்க இராணுவம் தடுத்து நிறுத்தியுள்ளது என்று, அமெரிக்க அதிகாரி ஒருவர் கூறியுள்ளார்.
காம்பியா கொடியை ஏந்திய லியான் ஸ்டார் என்ற சரக்குக் கப்பல், ஈரானிய துறைமுகம் ஒன்றினுள் நுழைய முயன்றபோது, அமெரிக்கப் படைகளின் பல எச்சரிக்கைகளை இரவு முழுவதும் புறக்கணித்ததாக, அதிகாரி விளக்கியுள்ளார்.
ஓமான் வளைகுடாவில் அமெரிக்க விமானங்களால் அந்தக் கப்பல் செயலிழக்கச் செய்யப்பட்டு, அங்கேயே மிதந்து கொண்டிருப்பதாகவும், அமெரிக்கப் படைகள் அதில் ஏறவில்லை என்றும் அந்த அதிகாரி மேலும் கூறியுள்ளார்.
சமீபத்திய நடவடிக்கை
சமீபத்திய நடவடிக்கையின் மூலம், முற்றுகையை மீற முயன்ற ஆறு கப்பல்களை அமெரிக்க இராணுவம் தடுத்து நிறுத்தியுள்ளது.
அவற்றில் ஒன்று மட்டும் முன்னேறிச் செல்ல அனுமதிக்கப்பட்டது. பெப்ரவரி 28 அன்று அமெரிக்க மற்றும் இஸ்ரேலியத் தாக்குதல்களுடன் போர் தொடங்கிய பின்னர், ஈரான் நீரிணை திறம்பட மூடியதற்குப் பதிலடியாக, அமெரிக்கா ஏப்ரல் 17 அன்று இந்த முற்றுகையைத் தொடங்கியது.
ஏப்ரல் 7 முதல் ஒரு நிலையற்ற போர் நிறுத்தம் நீடித்து வருகிறது.
தற்போது, ஈரானின் சர்ச்சைக்குரிய அணுசக்தித் திட்டம் குறித்து புதிய பேச்சுவார்த்தைகள் நடத்தப்படும் அதே வேளையில், இந்த முற்றுகையை மேலும் 60 நாட்களுக்கு நீட்டிப்பதற்கான ஒரு உடன்பாடு எட்டப்படுகிறதா என்பது குறித்த தகவலுக்காக பிராந்தியமும் பரந்த உலகமும் காத்திருக்கின்றமை குறிப்பிடத்தக்கது.