அறுபது வயது எட்டிய உடனே தங்களுக்கு வயதாகிவிட்டதாகவும், செயல் திறன் குறைந்து விட்டது போலவும் தங்களுக்குள்ளேயே ஒரு எல்லையை நிர்ணயித்து மனதில் சோர்வுடன் பலரும் வாழ்கிறார்கள்.

உண்மையில் வயது கூடும்போதுதான் பொறுப்புகள் குறைந்து அவரவர் வாழ்க்கையை அவரவர் நினைத்தபடி வாழ்வதற்கான அவகாசம் கிடைக்கும் என்பதுதான் உண்மை.

வயது கூடுவது என்பது இயற்கையாக நிகழும் ஒரு செயல். ஆனால், நம் உடலையும் மனதையும் எந்த வயதிலும் புத்துணர்வாக வைத்திருக்கும் வலிமை எந்த வயதிலும் உண்டு என்பதை அனைவரும் புரிந்துகொள்ளுங்கள். அறுபது வயதிலும் ஆனந்தமாய் வாழ சில ஆரோக்கிய ஆலோசனைகளை இந்தப் பதிவில் காண்போம்.

உடல் நலத்துக்கு சில குறிப்புகள்:

1. ஒரு நாளைக்கு குறைந்தது 30 நிமிடங்களாவது நடைப்பயிற்சி, நீச்சல் அல்லது சைக்கிள் ஓட்டுதல் போன்ற மிதமான பயிற்சிகளில் சுறுசுறுப்பாக ஈடுபடுங்கள்.

2. உடலின் நெகிழ்வுத்தன்மை மற்றும் சமநிலையை பராமரிக்க நீட்சி பயிற்சிகளுடன் தசை வலு மற்றும் எலும்பு அடர்த்தியை பராமரிக்க வலிமை தரும் பயிற்சிகளை மேற்கொள்ளுங்கள்.

3. பழங்கள், காய்கறிகள், முழு தானியங்கள், மெலிந்த புரதங்கள் மற்றும் ஆரோக்கியமான கொழுப்புகள் போன்ற பதப்படுத்தப்படாத, ஆரோக்கியமான உணவுகளில் கவனம் செலுத்துங்கள்.

4. நாள் முழுவதும் நிறைய தண்ணீர் குடித்து உடலை நீரேற்றம் பெறச் செய்யுங்கள். இதனால் உடல் சோர்வு நீங்கும்.

5. ருசிக்கு அடிமையாகாமல் பசிக்குத் தேவையானவற்றை அளவுடன் நேரத்திற்கு எடுப்பதில் கவனமாக இருங்கள்.

மன நலம் பேண சில ஆலோசனைகள்:

1. தனிமையைத் தடுக்க குடும்பம் மற்றும் நண்பர்களுடன் இணைந்திருங்கள். சமூகத்தின் தொடர்புகளின் அவசியம் உணர்ந்து வாய்ப்பு கிடைக்கும்போது சமூக நடவடிக்கைகளில் ஈடுபடுங்கள்.

2. மனதில் மகிழ்ச்சியையும் நிறைவையும் தரும் பொழுதுபோக்குகளையும் விருப்பங்களையும் பின்பற்றுங்கள்.

3. மன அழுத்தம் மற்றும் பதற்றம் ஆகியவற்றைக் குறைக்க நினைவாற்றல் பயிற்சி மற்றும் தியானத்தை தினமும் பயிற்சி செய்யுங்கள்.

4. படித்தல், புதிர்கள் அல்லது புதிய திறமையைக் கற்றுக்கொள்வது போன்ற மனதளவில் சிந்தனையைத் தூண்டும் செயல்களில் ஈடுபட்டு அறிவாற்றல் குறையாமல் பார்த்துக்கொள்ளுங்கள்.

5. தேவையற்ற நினைவுகளைத் தவிர்த்து நேர்மறையான மனநிலையை வளர்ப்பதற்கு ஒவ்வொரு நாளும் நீங்கள் நன்றியுள்ளவர்களாக இருக்கும் விஷயங்களைப் பற்றி சிந்தியுங்கள்.

நேர்மறை உணர்வுகள் பெருக:

1. போதுமான தூக்கம், ஓய்வெடுத்தல். குளியல் அல்லது மசாஜ் போன்ற சுய கவனிப்பு நடவடிக்கைகளுக்கு முன்னுரிமை கொடுங்கள்.

2. மனதை நோகடிக்காத உங்களை விரும்பும் நேர்மறையான, ஆதரவான உறவுகளுடன் உங்கள் நேரங்களை செலவிடுங்கள்.

3. மன அழுத்தம் மற்றும் பதற்றம் ஆகியவற்றைக் குறைக்க பிறர் தவறை மன்னித்தும் மற்றும் அவர்கள் மீதான வெறுப்புணர்வை விட்டுவிடுதலும் சிறந்த வழி.

4. சிரிப்பு மற்றும் நகைச்சுவைகளில் ஈடுபடுங்கள். சிரிப்பையும் மகிழ்ச்சியையும் தரும் செயல்களை அதிகம் நாடுங்கள்.

5. உங்கள் மதிப்பை அறிந்து நோக்கம் மற்றும் உணர்வுகளை வெளிப்படுத்துங்கள். தேவையற்ற இடங்களில் உங்கள் நேரங்களைத் தந்து மதிப்பைக் குறைக்காதீர்கள்.