19-வது ஐபிஎல் கிரிக்கெட் திருவிழா இறுதி கட்டத்தை நெருங்கி விட்டது. இன்றைய லீக் போட்டியில் 2 ஆட்டங்கள் நடக்கிறது.

இதில் மும்பை வான்கடே மைதானத்தில் நடைபெறும் 69-வது லீக் ஆட்டத்தில் 5 முறை சாம்பியனான மும்பை இந்தியன்ஸ் அணி, முன்னாள் சாம்பியனான ராஜஸ்தான் ராயல்சை எதிர்கொள்கிறது.

மும்பை அணி 13 ஆட்டங்களில் ஆடி 4 வெற்றி, 9 தோல்வியுடன் 8 புள்ளிகள் எடுத்து ஏற்கனவே பிளே-ஆப் சுற்று வாய்ப்பை இழந்து விட்டது.

ராஜஸ்தான் அணி 13 ஆட்டங்களில் ஆடி 7 வெற்றி, 6 தோல்வியுடன் 14 புள்ளிகள் எடுத்துள்ளது. அந்த அணி இன்றைய ஆட்டத்தில் வெற்றி பெற்றால் எந்தவித பிரச்சனையும் இன்றி அடுத்த சுற்றுக்குள் (பிளே-ஆப்) அடியெடுத்து வைக்கும். மாறாக தோல்வி கண்டால் வெறியேற வேண்டியது தான்.

இவ்விரு அணிகளும் இதுவரை 31 முறை நேருக்கு நேர் மோதி உள்ளன. இதில் 16-ல் மும்பையும், 15-ல் ராஜஸ்தானும் வென்றுள்ளன.

இந்நிலையில் இன்றைய போட்டிக்கான டாஸ் வென்ற மும்பை அணி பவுலிங் தேர்வு செய்தது. அதையடுத்து முதலில் பேட்டிங் செய்ய களத்தில் இறங்கிய ராஜஸ்தான் அணி 20 ஓவர் முடிவில் 8 விக்கெட்டுகளை இழந்து 205 ரன்கள் குவித்தது.

இதையடுத்து, 206 ரன்கள் எடுத்தால் வெற்றி என்ற இலக்குடன் களத்தில் இறங்கிய மும்பை அணியால் ராஜஸ்தானின் இலக்கை எட்ட முடியாமல் தோல்வியடைந்தது.