பைனாப்பிள் புளிசேரி செய்ய தேவையான பொருட்கள்:

பைனாப்பிள்-2 கப்.

தேங்காய்-1 கைப்பிடி.

சீரகம்-1 தேக்கரண்டி.

பச்சை மிளகாய்-2

மஞ்சள் தூள்-சிறிதளவு.

உப்பு-தேவையான அளவு.

வெல்லம்-1 சிட்டிகை.

கருவேப்பிலை-சிறிதளவு.

தயிர்-1 கப்.

தாளிக்க,

எண்ணெய்-1 தேக்கரண்டி.

கடுகு-1தேக்கரண்டி.

வெந்தயம்-1/2 தேக்கரண்டி.

பைனாப்பிள் புளிசேரி செய்முறை விளக்கம்.

முதலில் நறுக்கி வைத்த பைனாப்பிள் 1 கப்பை மிக்ஸியில் சேர்த்துக் கொள்ளவும். அத்துடன் தேங்காய் 1 கைப்பிடி, சீரகம் 1 தேக்கரண்டி சேர்த்து அரைத்து வைத்துக் கொள்ளவும்.

இப்போது கடாயில் தண்ணீர் 1கப் விட்டு நறுக்கிய பைனாப்பிள் 1 கப், நறுக்கிய பச்சை மிளகாய் 2 சேர்த்துக் கொள்ளவும். இத்துடன் தேவையான அளவு உப்பு, சிறிது மஞ்சள் தூள் சேர்த்து நன்றாக வேக வைத்துக் கொள்ளவும்.

பைனாப்பிள் நன்றாக வெந்ததும் 1 சிட்டிகை வெல்லம், கருவேப்பிலை சிறிதளவு சேர்த்து விட்டு அரைத்து வைத்திருக்கும் பேஸ்ட்டையும் சேர்த்து கலந்துவிடவும். நன்றாக கொதித்ததும் 1கப் தயிரை சேர்த்து கலந்துவிடவும்.

கடாயில் 1 தேக்கரண்டி எண்ணெய் விட்டு, கடுகு 1 தேக்கரண்டி, வெந்தயம் ½ தேக்கரண்டி சேர்த்து தாளித்து இதில் சேர்த்து கலந்துவிட்டு இறக்கினால் சுவையான பைனாப்பிள் புளிசேரி தயார். நீங்களும் இந்த சிம்பிள் ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.

வாட்டர்மெலன் கறி செய்ய தேவையான பொருட்கள்:

வாட்டர்மெலன் தோல்-1 கப்.

எண்ணெய்-1 தேக்கரண்டி.

கடுகு-1 தேக்கரண்டி.

உளுந்து-1 தேக்கரண்டி.

வரமிளகாய்-4

மஞ்சள்தூள்-சிறிதளவு.

உப்பு-தேவையான அளவு.

தேங்காய்-1 கைப்பிடி.

பச்சை மிளகாய்-1.

வாட்டர்மெலன் கறி செய்முறை விளக்கம்.

வாட்டர் மெலன் தோலை வீணாக்காமல் அதை தோல் சீவி பொடி பொடியாக 1 கப் அளவிற்கு நறுக்கி வைத்துக் கொள்ளவும்.

இப்போது ஒரு கடாயில் எண்ணெய் 1 தேக்கரண்டி, கடுகு 1 தேக்கரண்டி, உளுந்து 1 தேக்கரண்டி, வரமிளகாய் 4 சேர்த்து பொரிந்த பிறகு நறுக்கி வைத்த வாட்டர்மெலன் தோலை சேர்த்துக் கலந்துவிட்டுக் கொள்ளவும்.

இப்போது இதில் தேவையான அளவு உப்பு, மஞ்சள் தூள் சிறிதளவு சேர்த்துக் கலந்துவிடவும். இப்போது இதை பத்து நிமிடம் மூடி வேகவிடவும். மிக்ஸியில் தேங்காய் 1 கைப்பிடி, பச்சை மிளகாய் 1 சேர்த்து அரைத்து அதை வாட்டர்மெலனில் சேர்த்து கலந்து விடவும். அவ்வளவு தான் சுவையான வாட்டர்மெலன் கறி தயார். இது சப்பாத்தி, சாதம் ஆகியவற்றுடன் சேர்த்து சாப்பிட்டால் அல்டிமேட்டாக இருக்கும். இந்த சிம்பிள் ரெசிபியை நீங்களும் வீட்டிலே ட்ரை பண்ணிப் பார்த்துட்டு சொல்லுங்க.