ஐரோப்பாவின் அழகான இடங்களைக்காண பயணம் செய்ய வேண்டும் என்பது பலருக்கும் கனவாக இருக்கிறது. அழகான மலை வாசஸ்தலங்களில் உள்ள கூழாங்கற்கள் பதித்த தெருக்கள், வியப்பில் ஆழ்த்தும் அரண்மனைகள் எழில் கொஞ்சும் ஏரிகள் என ஐரோப்பாவில் இருப்பது போன்ற உணர்வைத் தரும் இந்தியாவின் 8 இடங்களை இப்பதிவில் தெரிந்து கொள்வோம்.

குல்மார்க், காஷ்மீர்

ஆல்பைன் மலைநகரத்துக்குள் இருப்பதுபோல பனி மூடிய மலைச்சிகரங்கள், அடர்ந்த பைன் காடுகள் மற்றும் உலகின் மிக உயரமான கேபிள் கார் ஆகியற்றைக் கொண்டிருக்கும் குல்மார்க் நகரம் தருகிறது.சரிவுகளைப் பனி மூடும்போது குல்மார்க் முழுவதும் குளிர்கால அதிசய உலகமாக மாறிவிடுவதோடு, ஸ்கையிங் மற்றும் ஸ்னோபோர்டிங் மூலம் ஐரோப்பிய குளிர்கால பூமியை அனுபவிக்க முடியும்.

ஆலி, உத்தரகாண்ட்

இந்தியாவின் சுவிட்சர்லாந்து என்று அழைக்கப்படும் ஆலி, பனிபோர்த்திய நிலப்பரப்பும், சிடார் மற்றும் ஓக் மரங்களால் சூழப்பட்ட பரந்த இமயமலை சிகரங்களின் பின்னணியில் உள்ள ஸ்கை சரிவுகளும், ஆஸ்திரியாவா அல்லது சுவிட்சர்லாந்தா என்று குழப்பமடைய வைக்கும் அழகுடன் காட்சி தருகிறது. குளிர்காலத்தில் இங்கே பனிச்சறுக்கு விளையாடுவதோடு, கேபிள் காரில் பயணிப்பதோடு, பனி மூடிய நிலப்பரப்பில் சூரிய அஸ்தமனத்தை ரசிக்கலாம்.

சிக்கிம்

சிக்கிமில், காங்டாக் நகரிலிருந்து கஞ்சன்ஜங்கா மலை வரையுள்ள காட்சிகள் திரைப்படம் பார்ப்பது போன்ற உணர்வைத் தருவதோடு, சுவிஸ் அஞ்சல் அட்டையில் உள்ள காட்சியைப் போல லாச்சுங் மற்றும் யும்தாங் பள்ளத்தாக்கு காட்சி தரும். மலர் புல்வெளிகள், அமைதியான மடங்கள் கொண்ட சிக்கிம் பல தம்பதிகளுக்கு, வெறும் இயற்கை எழில் கொஞ்சும் சுற்றுலாத் தலமாக மட்டுமல்லாமல் புனிதமான இடமாகவும் திகழ்கிறது.

கஜ்ஜியார், இமாச்சல பிரதேசம்

சுவிட்சர்லாந்தின் லூசெர்னின் சுற்றுப்புறங்களை இமாச்சலப் பிரதேசத்தில் உள்ள இந்தியாவின் மினி சுவிட்சர்லாந்து என்று அழைக்கப்படும் கஜ்ஜியார் வழங்குகிறது. பச்சை புல்வெளிகள், கஜ்ஜியர் ஏரி மற்றும் சிடார் காடுகள் இந்தியாவின் ஐரோப்பா போன்ற உணர்வை தரும் மிகச்சிறந்த இடங்களில் ஒன்றாக இருக்கின்றன.

ஷில்லாங், மேகாலயா

கிழக்கின் ஸ்காட்லாந்து என்று அழைக்கப்படும் மேகாலயாவில் உள்ள ஷில்லாங்கில், எப்போதும் நிலவும் பனிமூட்டமும், பைன் மரங்கள் அணிவகுத்து நிற்கும் தெருக்களும், காலனிய காலத்து அழகான வீடுகளும் ஸ்காட்டிஷ் மலைப்பகுதிகளை ஒத்திருக்கின்றன. வார்ட்ஸ் ஏரியில் படகு சவாரி செய்வதோடு,கலை, அமைதி மற்றும் இசை ஆகியவற்றை விரும்புவோருக்கு இது மிகச் சிறந்த தேனிலவு இடமாகும்.

கூர்க், கர்நாடகா

டுஸ்கானியில் உள்ள திராட்சைத் தோட்டங்களை பார்ப்பது போன்ற உணர்வை கூர்க் வழங்குகிறது, திராட்சைத் தோட்டங்களுக்குப் பதிலாக காபி தோட்டங்கள், மூடுபனி மூடிய மலைகள், மிளகு மற்றும் மழையின் நறுமணம் ஆகியவை இத்தாலியின் உருளும் மலைகளைப்போல இருக்கின்றன. பாரம்பரிய கொடவா உணவு வகைகளை தோட்டக்கலை இல்லங்களில் தங்கி ருசிக்கும் சிறந்த தேனிலவு இடமாகும்.