காஷ்மீர்ல மட்டுமில்ல, இந்தியா முழுக்க இந்த டிஷ் ரொம்ப ஃபேமஸ். பனீர், தக்காளி, தயிர், இஞ்சி பூண்டுன்னு பல பொருட்கள் சேர்த்து செய்யறதுனால இது ரொம்ப க்ரீமியா, டேஸ்ட்டியா இருக்கும். நீங்களும் வீட்லயே அதே சுவையில காஷ்மீரி பனீர் மசாலா பண்ண ஆசைப்படுறீங்களா? வாங்க, எப்படி செய்யறதுன்னு பார்க்கலாம்.

தேவையான பொருட்கள்

• பனீர் - 200 கிராம்

• வெங்காயம் - 2

• தக்காளி - 2

• இஞ்சி பூண்டு விழுது - 1 டேபிள் ஸ்பூன்

• தயிர் - 1/2 கப்

• முந்திரி - 10

• கசகசா - 1 டீஸ்பூன்

• மஞ்சள் தூள் - 1/4 டீஸ்பூன்

• மிளகாய் தூள் - 1 டீஸ்பூன்

• தனியா தூள் - 1 டீஸ்பூன்

• சீரக தூள் - 1/2 டீஸ்பூன்

• கரம் மசாலா - 1/2 டீஸ்பூன்

• கசூரி மேத்தி - 1 டீஸ்பூன்

• எண்ணெய் - 2 டேபிள் ஸ்பூன்

• நெய் - 1 டேபிள் ஸ்பூன்

• உப்பு - தேவையான அளவு

• கொத்தமல்லி இலை - சிறிதளவு

• பிரஷ் கிரீம் - 2 டேபிள் ஸ்பூன்

செய்முறை

1. முதல்ல ஊற வச்ச முந்திரி, கசகசா இது ரெண்டையும் கொஞ்சமா தண்ணி சேர்த்து நல்லா நைசா அரைச்சு பேஸ்ட்டா எடுத்து வச்சுக்கோங்க.

2. கடாயில எண்ணெய், நெய் ஊத்தி சூடாக்கவும். சூடானதும் நறுக்கிய வெங்காயம் சேர்த்து பொன்னிறமா வதக்கவும். வெங்காயம் நல்லா வதங்குனாதான் குருமா டேஸ்ட்டா இருக்கும்.

3. வெங்காயம் வதங்குனதும் இஞ்சி பூண்டு விழுது சேர்த்து பச்சை வாசனை போற வரை வதக்கவும்.

4. நறுக்கிய தக்காளி சேர்த்து மென்மையாகும் வரை வதக்கவும். தக்காளி நல்லா மசிஞ்சு வரணும்.

5. தக்காளி மசிஞ்சதும் மஞ்சள் தூள், மிளகாய் தூள், தனியா தூள், சீரக தூள், உப்பு சேர்த்து நல்லா கலந்துக்கோங்க. மசாலா வாசனை போற வரைக்கும் லேசா வதக்குங்க.

6. பின்னர், தயிர் சேர்த்து கலந்து, கொஞ்ச நேரம் கொதிக்க விடுங்க. தயிர் சேர்த்ததுக்கு அப்புறம் தீயை குறைச்சு வச்சுக்கோங்க.

7. அடுத்ததா, அரைச்சு வச்ச முந்திரி, கசகசா பேஸ்ட் சேர்த்து நல்லா கலந்து விடுங்க. தேவையான அளவு தண்ணி ஊத்தி, குருமா கொஞ்சம் திக்காகுற வரைக்கும் கொதிக்க விடுங்க.

8. குருமா திக்கானதும் பனீர் கியூப்ஸ் சேர்த்து மெதுவா கலந்து விடுங்க. ரொம்ப நேரம் கொதிக்க விட வேண்டாம். ஒரு 5 நிமிஷம் கொதிச்சா போதும்.

9. கடைசியா கரம் மசாலா, கசூரி மேத்தி, கொத்தமல்லி இலை தூவி இறக்கிடுங்க. வேணும்னா மேல பிரஷ் கிரீம் சேர்த்து கலந்து பரிமாறலாம்.

காஷ்மீரி பனீர் மசாலாவை சப்பாத்தி, ரொட்டி, நான், ஜீரா ரைஸ் கூட வச்சு சாப்பிட சூப்பரா இருக்கும். இது எல்லாத்துக்கும் அருமையான சைடு டிஷ்.ரொம்ப சுலபமா செய்யக்கூடிய இந்த ரெசிபியை நீங்களும் உங்க வீட்ல ட்ரை பண்ணிப் பாருங்க.