தமிழ்நாட்டில்தான் புகழ்பெற்ற அணைக்கட்டுகள் இருக்கின்றன. அதிலும் பழங்கால அணைக்கட்டுகள் இருக்கின்றன என்று நாம் நினைத்துக் கொண்டிருப்போம்.

ஆனால், நம் அண்டை மாநிலமான கேரளாவிலும் மிகவும் பழைமையும் பெருமையும் வாய்ந்த பாரம்பரியமிக்க, அந்த மாநிலத்தின் கலாசாரத்தை போற்றக்கூடிய வகையில் அணைக்கட்டுகள் சில இருக்கின்றன. கேரளா அணைக்கட்டுகளில் மிகவும் பழைமை வாய்ந்ததகவும் சிறப்பு வாய்ந்ததாகவும் கருதப்படுவது இடுக்கி அணைதான். இடுக்கி அணையின் அமைப்பு பார்ப்பவர்களை பிரம்மிப்பிலும் ஆச்சரியத்திலும் ஆழ்த்துவதாக உள்ளது. கேரளாவின் உயிர் நாடி என்று சொல்லப்படும் இந்த இடுக்கி அணையின் சிறப்புகள் குறித்து இந்தப் பதிவில் பார்ப்போம்.

இரண்டு உயர்ந்த மலைகளுக்கு இடையே அமைந்துள்ள இடுக்கி ஆர்ச் அணை, வளைவு வடிவில் உள்ளது. இந்த அணை 1969ம் ஆண்டு தண்ணீரை சேமிக்கத் தொடங்கியது. குறவன் மற்றும் குறத்தி என அழைக்கப்படும் இரு மலைகளுக்கு இடையே பெரியாற்றின் மீது இந்த அணை கட்டப்பட்டுள்ளது. இந்த அணை 1975ல் தனது மின் உற்பத்தியைத் தொடங்கியது என்பது குறிப்பிடத்தக்கது.

இடுக்கி அணையின் உச்சியை நோக்கி நடந்தால் பெருமூச்சு விடுவது உறுதி. அணையும் அதைச் சுற்றியுள்ள பகுதிகளும் ஆண்டு முழுவதும் வீசும் வலுவான காற்று என்று அறியப்படுகிறது. பசுமையான அழகும், இருபெரும் குன்றுகளுக்கிடையே நிற்கும் வாய்ப்பும் நெஞ்சில் நீண்ட காலம் தங்கியிருக்கும் அனுபவங்கள்.

இந்த அணை சுற்றுலா பயணிகளுக்கு படகு சவாரியையும் வழங்குகிறது. இது உலகின் முதல் பத்து உயரமான ஆர்ச் அணைகளில் ஒன்றாகும் மற்றும் இந்தியாவின் மூன்றாவது உயரமான அணையாகவும் இது கருதப்படுகிறது. மேற்கு தொடர்ச்சி மலையில், இடுக்கி அணையானது பசுமையான பள்ளத்தாக்குகள், மலைகள் மற்றும் அடர்ந்த காடுகளால் சூழப்பட்டுள்ளது. பயணிகள் மற்றும் வெளிப்புற ஆர்வலர்கள் அணை மற்றும் அதன் சுற்றுப்புறத்தின் அழகை ரசிக்க இங்கு வருகை தந்தவண்ணம் உள்ளனர். இடுக்கி அணைக்கு அருகில் பல காட்சிப் புள்ளிகள் உருவாக்கப்பட்டு, நீர்த்தேக்கம், அணை அமைப்பு மற்றும் சுற்றியுள்ள நிலப்பரப்பின் பரந்த காட்சிகளை வழங்குகிறது.

இடுக்கி ஆர்ச் அணை காட்சிப் புள்ளி மற்றும் இடுக்கி நீர்த்தேக்கக் காட்சிப் புள்ளி போன்ற இந்தக் காட்சிப் புள்ளிகள் புகைப்படம் எடுப்பதற்கும் சுற்றிப் பார்ப்பதற்கும் சிறந்த வாய்ப்புகளை வழங்குகின்றன. இடுக்கி அணை கேரளாவில் உள்ள ஒரு பிரபலமான சுற்றுலா தலமாகும். இது தனது இயற்கை அழகில் பார்வையாளர்களை வெகுவாக ஈர்க்கிறது.

தற்போது இயற்கை சீற்றத்தினால் பாதிக்கப்பட்டு இருக்கும் கேரளாவின் நிலைமை சீரானதும் சந்தர்ப்பம் வாய்க்கும் பொழுது இடுக்கி அணையை சுற்றிப் பார்த்து ரசித்து வாருங்கள்.