ரெஸ்டாரன்ட்க்கு போனாலே அந்த ஸ்டார்ட்டர் கூட குடுக்குற சல்சாக்குனே ஒரு தனி ஃபேன் பட்டாளம் இருக்கு. அதோட புளிப்பு, காரம், ஃப்ரெஷ் டேஸ்ட் எல்லாம் நம்மள மறுபடியும் மறுபடியும் சாப்பிட தூண்டும்.
அதே டேஸ்ட்டோட, ரொம்ப சுலபமா வீட்டிலேயே இந்த ரெஸ்டாரன்ட் ஸ்டைல் சல்சா எப்படி செய்யறதுன்னு யோசிச்சிருக்கீங்களா? இனி அந்த கவலையே வேணாம். வாங்க, இந்த டேஸ்ட்டான சல்சா எப்படி செய்யறதுன்னு பார்க்கலாம்.
தேவையான பொருட்கள்
தக்காளி - 2
வெங்காயம் - 1
பூண்டு - 1 பல்
பச்சை மிளகாய் - 1
கொத்தமல்லி இலை - கால் கப்
எலுமிச்சை சாறு - 1 டேபிள் ஸ்பூன்
சீரகத்தூள் - கால் டீஸ்பூன்
உப்பு - தேவையான அளவு
சர்க்கரை - கால் டீஸ்பூன்
செய்முறை
முதல்ல, இந்த சல்சாவுக்கு எல்லா பொருட்களையும் பொடியா நறுக்குறது ரொம்ப முக்கியம். தக்காளி, வெங்காயம், பச்சை மிளகாய், பூண்டு, கொத்தமல்லி இலை எல்லாத்தையும் எவ்வளவு முடியுமோ அவ்வளவு பொடியா நறுக்கி ஒரு பெரிய பவுல்ல போட்டுக்கோங்க. தக்காளி ரொம்ப பழுத்ததா இருந்தா சல்சாவுக்கு நல்ல நிறமும் சுவையும் கிடைக்கும்.
இப்போ இந்த நறுக்கின கலவையோட, எலுமிச்சை சாறு, சீரகத்தூள், தேவையான உப்பு மற்றும் விருப்பப்பட்டால் சர்க்கரை சேர்த்துக்கோங்க. இந்த சர்க்கரை புளிப்பு சுவையை சமன் செய்ய உதவும்.
இனி சமையல் கஷ்டமே இல்லை! இந்த 2 சிம்பிள் ரெசிபிகளை ட்ரை பண்ணி அசத்துங்க!எல்லா பொருட்களையும் ஒண்ணா சேர்த்து கரண்டியாலயோ இல்லனா ஸ்பேட்டூலாலையோ நல்லா கலந்து விடுங்க. சல்சாவோட சுவை எல்லாம் ஒண்ணா சேர ஒரு 10-15 நிமிஷம் அப்படியே மூடி வச்சுடுங்க.
வெளியில போய் ஆயிரக்கணக்குல செலவு பண்ணி சாப்பிடுற அதே ரெஸ்டாரன்ட் ஸ்டைல் சல்சா நம்ம வீட்டிலேயே ரொம்ப சுலபமா ரெடி! இது நாச்சோஸ், சிப்ஸ், டகோஸ், பிரட், பன்னீர் டிக்கா, கட்லெட்னு எது கூட வேணா வச்சு சாப்பிடலாம். ரொம்ப ஃப்ரெஷ்ஷா, டேஸ்ட்டா இருக்கக்கூடிய இந்த ரெசிபிய நீங்களும் உங்க வீட்ல கண்டிப்பா ட்ரை பண்ணி என்ஜாய் பண்ணுங்க.