தேர்வு நெருங்க நெருங்க பெற்றோர்கள் குழந்தைகள் பரீட்சையில் நல்ல மதிப்பெண் பெற வேண்டும் என நினைத்து கவலைப்பட ஆரம்பித்து விடுகின்றனர்.
1. பிராணாயாமம்: குழந்தைகளுக்கு தேர்வின்போது ஏற்படும் பயம், பதற்றம் மன அழுத்தத்தை குறைக்க பிராணாயாமம் உதவுகிறது. இது நினைவாற்றலை வளர்த்து மனதை அமைதிப்படுத்தி கவனத்தை அதிகரிக்கச் செய்கிறது.
2. தடாசனா: தடாசனா மலை போஸ் என்றும் அழைக்கப்படுகிறது. இந்த போஸுக்கு நீங்கள் கால்களை பின்னால் நீட்டவும், உடலை வளைக்கவும், கைகளை முன்னோக்கி நீட்டவும் வேண்டும். இது மூளையில் செறிவை அதிகரிக்க வடிவமைக்கப்பட்ட ஒரு பயிற்சியாகும்.
3. விருட்சணத்தின்: மர போஸ் என்று அழைக்கப்படும் இந்த ஆசனம் சமநிலையை அடையவும் செறிவை அதிகரிக்கவும் உதவும் ஒரு பயிற்சியாகும். இதைச் செய்வது எளிது. நேராக எழுந்து நின்று, ஒரு காலை மடக்கி, தொடைகளில் வைத்து, கைகளை மேலே நீட்டி அவற்றுடன் இணைக்கவும்.
4. பஸ்சிமோட்டனாசனம்: இது தரையில் படுத்துக்கொண்டு உடலை பின்னோக்கி வளைப்பது ஆகும். இது முதுகெலும்பை விரிவடையச்செய்து, மூளைக்கு இரத்த ஓட்டத்தை அதிகரித்து அறிவாற்றல் செயல்பாட்டை மேம்படுத்துகிறது.
5. பாலாசனா: ஒரு சிறு குழந்தையின் தூங்கும் நிலைதான் பாலாசனா. கால்களை மடித்து கால்களில் அமர்ந்து உடலை முன்னோக்கி நீட்டுகிறது. கைகளால் பாதங்களைப் பிடித்துக்கொள்ள வேண்டும். இந்த போஸ் மன அழுத்தத்தை நீக்கி, மன தெளிவுக்காக வடிவமைக்கப்பட்ட ஒரு போஸ். இது கவனம் மற்றும் செறிவு இரண்டையும் அதிகரிக்கிறது.
6. சர்வாங்காசனம்: இது மல்லாந்து படுத்து முழு உடலையும் கழுத்து வரை தூக்குவது. இது இரத்த ஓட்டத்தை மேம்படுத்துவதோடு நினைவாற்றலையும் மேம்படுத்த உதவுகிறது.
7. ஹலாசனம்: இது தரையில் நேராகப் படுத்து, கால்களை மேலே தூக்கி தலையின் பின்புறத்திற்கு எடுத்துச் செல்வது. இந்த யோகாசனம் நரம்பு மண்டலத்தைத் தூண்டி கவனம் மற்றும் நினைவாற்றலை மேம்படுத்த உதவுகிறது.
வழக்கமான பாலை விட ஆர்கானிக் பாலில் ஊட்டச்சத்து ஏன் அதிகம் தெரியுமா?8. அனுலோமா விலோமா பிராணாயாமம்: சௌகரியமாக உட்கார்ந்து ஒரு பக்கம் மூக்கை மூடி மறுபுறம் இருந்து மூச்சை உள்ளிழுப்பது. இப்போது இந்த பக்க மூக்கைத் திறந்து மூச்சை வெளியே விடவும். இந்த ஆசனம் கவனத்தை அதிகரிக்கச் செய்கிறது.
9. சூரிய நமஸ்காரம்: ஒவ்வொரு நாளும் சூரிய நமஸ்காரம் செய்வது உடல் மற்றும் மன ஆரோக்கியத்திற்கு நிறைய நன்மைகளை வழங்குகிறது. இது உடலுக்கு ஆற்றலை வழங்குவதோடு மட்டுமல்லாமல், நம்மை மனதளவில் விழிப்புடன் வைத்திருக்கிறது.
மேற்கூறிய 9 யோகா முறைகளும் குழந்தைகளின் நினைவுத்திறனை மேம்படுத்தும் என்பதால் உங்கள் குழந்தைகளுக்கு ஏற்ற முறைகளை செய்து பயன்பெறுங்கள்.