ரோமானிய பேரரசரும் ஸ்டாய்க் தத்துவஞானியுமான மார்க்கஸ் ஆரேலியஸ், இன்றளவு மக்கள் மத்தியில் பெரும் தாக்கத்தை ஏற்படுத்தும் பல விதிகளை விட்டுச் சென்றுள்ளார்.
சுய விழிப்புணர்வு விதி: உங்களது மனதின் மீது உங்களுக்கு முழு அதிகாரம் உள்ளது. ஆனால் வெளிப்புற நிகழ்வுகளை உங்களால் ஒருபோதும் கட்டுப்படுத்த முடியாது. எனவே உங்களால் கட்டுப்படுத்த முடிந்த விஷயங்கள் மீது கவனம் செலுத்துங்கள்.
ஏற்றுக்கொள்ளும் விதி: உங்கள் வாழ்க்கையின் மகிழ்ச்சி உங்கள் எண்ணங்களின் தரத்தை பொருத்தது. எந்த அளவுக்கு ஒரு விஷயத்தை நீங்கள் புரிந்து கொள்கிறீர்கள் என்பதிலேயே உங்களுடைய இன்பமும் துன்பமும் அடங்கியுள்ளது.
நிலையற்ற விதி: வாழ்க்கையில் எல்லாமே நிலையற்றது. எனவே இதைப் புரிந்துகொண்டு இந்த தருணத்தை சிறப்பாக மாற்றியமைக்கும் விஷயங்களில் ஈடுபடுங்கள்.
நல்லொழுக்க விதி: ஒரு நல்ல மனிதன் எப்படி இருக்க வேண்டும் என்பதைப் பற்றி வாதிட்டு நேரத்தை வீணாக்காதீர்கள். நீங்கள் அந்த நல்ல மனிதனாக இருங்கள்.
சுய பிரதிபலிப்பு விதி: உங்களைப் பற்றிய சிந்தனைகளில் நீங்கள் ஆழமாக மூழ்க வேண்டும். இது உங்களின் வாழ்க்கைத் தரத்தை மேம்படுத்த உதவும்.
மைண்ட்ஃபுல்னஸ் விதி: உங்கள் வாழ்க்கையில் செய்யும் ஒவ்வொரு செயலையும் இறுதி செயலாக நினைத்து செய்யுங்கள். இது நீங்கள் செய்யும் எல்லா செயலையும் சிறப்பானதாக மாற்ற உதவும்.
பின்னடைவு விதி: நீங்கள் அடையும் தோல்விகளே உங்களை உயர்த்துகிறது. எனவே தோல்விகளைக் கண்டு அஞ்சாமல் அவற்றை வளர்ச்சிக்கான வாய்ப்பாக ஏற்றுக்கொண்டு செயல்படுங்கள்.
இரக்கத்தின் விதி: மற்றவர்கள் மீது இரக்கத்தையும் அனுதாபத்தையும் வளர்த்துக் கொள்ளுங்கள். நீங்கள் சந்திக்கும் ஒவ்வொரு நபரும் அவர்களுடைய சொந்த வாழ்க்கைப் போரில் போராடுகிறார்கள். எனவே இதைப் புரிந்துகொண்டு யாருடனும் மனக்கசப்பை ஏற்படுத்திக் கொள்ளாதீர்கள்.
நம்பகத்தன்மையின் விதி: உங்கள் எண்ணமே வாழ்க்கையாக மாறுகிறது. உங்கள் எண்ணங்களே உங்களின் வாழ்க்கைக்கு சாயமிடுக்கிறது. உங்களது உண்மையான சுயத்தை ஏற்றுக் கொண்டு, எல்லா விஷயங்களிலும் நம்பிக்கையுடன் செயல்படுங்கள்.
நன்றியுணர்வின் விதி: நீங்கள் காலையில் எழுந்தவுடன் உயிருடன் இருப்பது எவ்வளவு விலைமதிப்பற்ற விஷயம் என்பதைப் பற்றி சிந்தியுங்கள். உங்களுக்கு கிடைத்த விஷயங்களுக்கு நன்றி உணர்வுடன் இருங்கள்.