கேக் என்றாலே குழந்தைகளுக்கு மிகவும் பிடிக்கும். அதிலும் பழங்கள் சேர்த்து செய்யப்படும் கேக் வகைகள் என்றால் சொல்லவே தேவையில்லை.
முட்டை சேர்க்காமல், மிகவும் சாஃப்ட்டாக ஒரு அருமையான செர்ரி கேக் எப்படி செய்வது என்று பலரும் தேடிக்கொண்டிருப்பார்கள்.
கடைகளில் விற்கும் கேக்குகளில் முட்டை, ரசாயனங்கள் இருக்கலாம் என யோசிக்கும் தாய்மார்களுக்கு இந்த ரெசிபி ஒரு வரப்பிரசாதம். ஓவன் இல்லாமலேயே, நம் வீட்டில் இருக்கும் குக்கரில் பேக்கரி சுவையை மிஞ்சும் அளவிற்கு இதைச் செய்து அசத்தலாம்.
தேவையான பொருட்கள்:
மைதா மாவு - 1.5 கப்
பொடித்த சர்க்கரை - 1 கப்
புளிக்காத கெட்டித் தயிர் - 1 கப்
சமையல் எண்ணெய் - 1/2 கப்
பேக்கிங் பவுடர் - 1 டீஸ்பூன்
பேக்கிங் சோடா - 1/2 டீஸ்பூன்
வெண்ணிலா எசன்ஸ் - 1 டீஸ்பூன்
செர்ரி பழங்கள் - 1/2 கப்
பால் - கால் கப்
eggless cherry cake செர்ரி கேக்செய்முறை!
கேக் செய்வதற்கு மாவு கலக்கும் பக்குவம் மிக முக்கியம். முதலில் ஒரு பெரிய பாத்திரத்தில் தயிர், பொடித்த சர்க்கரை மற்றும் எண்ணெய் ஆகியவற்றைச் சேர்த்து கட்டிகள் இல்லாமல் நன்றாகக் கலந்து கொள்ளவும். இத்துடன் வெண்ணிலா எசன்ஸ் சேர்த்துக் கலக்கவும்.
பின்னர் மைதா மாவு, பேக்கிங் பவுடர் மற்றும் பேக்கிங் சோடாவை ஒரு சல்லடையில் சலித்து, தயிர் கலவையுடன் சேர்க்க வேண்டும். மாவை மிக வேகமாக அடிக்காமல், ஒரு கரண்டியை வைத்து ஒரே திசையில் மெதுவாகக் கலந்து மடிக்க வேண்டும். மாவு ரொம்பவும் கெட்டியாக இருந்தால் மட்டும் சிறிது பால் சேர்த்துக் கொள்ளலாம்.
இப்போது நாம் நறுக்கி வைத்துள்ள செர்ரி பழங்களில் சிறிதளவு மைதா மாவைத் தூவிப் பிரட்டி, கேக் மாவில் சேர்க்க வேண்டும். இப்படிச் செய்வதால் பழங்கள் அடியில் சென்று தங்காமல் மாவு முழுவதும் சமமாகப் பரவி இருக்கும். இப்போது ஒரு கேக் டின்னில் எண்ணெய் தடவி, தயார் செய்து வைத்துள்ள மாவை ஊற்றவும்.
பேச்சுலர்ஸ் ஸ்பெஷல்: 10 நிமிஷத்துல கமகமக்கும் பிரஷர் குக்கர் தக்காளி சாதம்!அடுப்பில் ஒரு குக்கர் அல்லது அடிகனமான பாத்திரத்தை வைத்து, உள்ளே ஒரு ஸ்டாண்ட் வைத்து 10 நிமிடம் முன்கூட்டியே சூடாக்கிக் கொள்ளவும். சூடான பாத்திரத்தினுள் கேக் டின்னை வைத்து, மிதமான தீயில் 35 முதல் 40 நிமிடங்கள் வரை வேகவைக்க வேண்டும்.
ஒரு டூத்பிக் வைத்து குத்திப் பார்த்தால் மாவு ஒட்டாமல் வர வேண்டும். மாவு ஒட்டாமல் வந்ததும் அடுப்பை அணைத்துவிட்டு, கேக்கை முழுமையாக ஆற விடவும். நன்கு ஆறிய பிறகு ஒரு தட்டில் கவிழ்த்தால், பஞ்சு போல மிகவும் மென்மையான மற்றும் சுவையான செர்ரி கேக் தயார்.
முட்டை சேர்க்காமல் செய்தோம் என்று சொன்னால் யாரும் நம்ப மாட்டார்கள். பிறந்தநாள் கொண்டாட்டமாக இருந்தாலும் சரி, மாலை நேர ஸ்நாக்ஸாக இருந்தாலும் சரி, இந்த அசத்தலான செர்ரி கேக் உங்கள் வீட்டுச் சுட்டிகளுக்கு மிகவும் பிடிக்கும்.
உலக சாதனை படைத்த ஸ்மிருதி மந்தனா: நெதர்லாந்தை துவம்சம் செய்து இந்திய மகளிர் அணி வரலாற்று வெற்றி!இதை இன்றே முயற்சி செய்து பார்த்து உங்களது கருத்துக்களை எங்களுடன் பகிர்ந்து கொள்ளுங்கள்.