இப்போதெல்லாம் திருமண நிகழ்வுகள் மிகவும் பிரமாண்டமாக நடைபெறுகின்றன. முகூர்த்தத்திற்கு தனியாகவும், வரவேற்பிற்கு தனியாகவும் உறவினர் கூட்டமும் நண்பர்கள் கூட்டமும் குழுமியிருக்கும்.

அந்த நிலையில் முகூர்த்தத்திற்கு என்று சிலர் பாரம்பரிய ஆடைகளை அணிந்தாலும், வரவேற்பு நிகழ்ச்சிக்கே அதிக முக்கியத்துவம் கொடுக்கிறார்கள். இன்றைய இளைஞர்களும் இளம்பெண்களும் அந்த வரவேற்பு நிகழ்ச்சியில் தங்களை வித்தியாசமாகவும் கம்பீரமாகவும் காட்ட வேண்டும் என்ற பெரும் முனைப்போடு உடைகளை தேர்வு செய்கிறார்கள்.

எப்படி இருந்தாலும் முகூர்த்தத்தில் பாரம்பரியத்தை பிரதிபலிக்கும் வகையில் ஆடைகளை அணிந்து கொள்கிறார்கள். எனவே வரவேற்பு நாள் என்பது அவர்களின் தனிப்பட்ட விருப்பத்தையும் சுதந்திரத்தையும் வெளிப்படுத்தும் நாளாக மாறியுள்ளது. அதனால் தங்களுக்கு பிடித்த உடைகளை தேர்வு செய்து அணிந்து மகிழ்கிறார்கள்.

இவர்களின் விருப்பங்களை நிறைவேற்றும் வகையில் சந்தையில் பல வகையான சேலைகள் வந்துள்ளன. அந்த சேலைகளைப் பற்றிய விவரங்களை இந்த பதிவில் பார்ப்போம்.

"ரிசப்ஷனில் என்ன சேலை?" - மணமகளின் மனம் பேசும் தேர்வு

திருமணம் முடிந்ததும் அடுத்த முக்கிய நிகழ்ச்சி வரவேற்பு. இந்த ஒரு நாளுக்காகவே பல மணமகள்கள் தனியாக திட்டமிடுவார்கள். ஏனெனில் இது குடும்பத்தின் விருப்பத்தைவிட, முழுக்க முழுக்க மணமகளின் சொந்த தேர்வாகும். "நான் எப்படி தோன்றவேண்டும்?" என்ற எண்ணமே இங்கு முக்கியம்.

பாரம்பரியத்திலிருந்து தனித்துவத்துக்கு

திருமணத்தில் அணியும் சேலை பெரும்பாலும் மரபை பின்பற்றும். சிவப்பு, மரூன் போன்ற நிறங்கள் மற்றும் பாரம்பரிய வடிவங்கள் பொதுவாக இருக்கும். ஆனால் வரவேற்பில் அவை கட்டாயமில்லை. இங்கு மணமகள் தனது விருப்பப்படி புதிய நிறங்கள், புதிய வடிவங்கள் மற்றும் புதிய அணிவகுப்புகளை தேர்வு செய்கிறாள். இதனால் இந்த சேலை அவளின் தனித்துவத்தை வெளிப்படுத்தும் ஒரு வாய்ப்பாக மாறுகிறது.

இன்றைய பிரபலமான சேலை வகைகள்

பளபளக்கும் சீக்வின் சேலைகள்

இப்போது மணமகள்கள் அதிகம் தேர்வு செய்வது பளபளக்கும் சீக்வின் சேலைகள். வெளிச்சத்தில் பிரகாசமாக தெரியும் என்பதால் இரவு நிகழ்ச்சிகளுக்கு இது மிகவும் பொருத்தமாக இருக்கும்.

ஆர்கன்சா சேலைகள்

மென்மையான மற்றும் நயமான தோற்றத்தை விரும்புவோருக்கு ஆர்கன்சா சேலைகள் சிறந்த தேர்வாக இருக்கின்றன. இவை மிகவும் இலகுவாக இருப்பதுடன், அணிந்தவுடன் அழகான மற்றும் செம்மையான தோற்றத்தையும் தருகின்றன. எளிமையிலும் தனித்துவமான கவர்ச்சியை வெளிப்படுத்துவதால் இன்றைய பெண்களிடையே இச்சேலைகள் அதிக வரவேற்பைப் பெற்றுள்ளன.

ரெடிமேட் சேலைகள் (Pre-stitched / Ready-to-wear saree)

சிலர் எளிதாக அணியக்கூடிய ரெடிமேட் சேலைகளையும் தேர்வு செய்கிறார்கள். இவை Pre-stitched அல்லது Ready-to-wear saree என்றும் அழைக்கப்படுகின்றன. பாரம்பரிய சேலை போல நீண்ட நேரம் கட்ட வேண்டிய அவசியம் இல்லாததால் குறைந்த நேரத்தில் எளிதாக அணிய முடியும். இது அணிவதில் சிரமம் இல்லாமல், நவீனமான மற்றும் ஸ்டைலான தோற்றத்தையும் தருவதால் இளம் பெண்களிடையே அதிக வரவேற்பைப் பெற்று வருகிறது.

டிஷ்யூ சேலைகள்

டிஷ்யூ சேலைகள் மென்மையான ஒளிர்வுடன், எளிமையான மற்றும் நயமான அழகை வெளிப் படுத்துகின்றன. மென்மையான துணித்தன்மையும் லேசான பளபளப்பும் காரணமாக இவை அணிந்தவருக்கு செம்மையான தோற்றத்தை அளிக்கின்றன. திருமணம், வரவேற்பு நிகழ்ச்சி மற்றும் விழாக்காலங்களில் டிஷ்யூ சேலைகள் தனித்துவமான கவர்ச்சியை உருவாக்குவதால் பல பெண்களின் விருப்பத் தேர்வாக மாறி வருகின்றன.