தற்போதைய நவீன யுகத்தில் உலகம் முழுவதும் ஸ்மார்ட் போன் உபயோகிப்பவர்களின் எண்ணிக்கை நாளுக்கு நாள் அதிகரித்துக் கொண்டே போகிறது.
* ஸ்மார்ட் போனின் திரை (screen)யுடன் உண்டாகும் பிணைப்பு நம் கண்களின் ஆரோக்கியத்தில் தாக்கத்தை உண்டுபண்ணும். 20-20-20 என்ற விதியைப் பின்பற்றி, போனைப் பயன்படுத்தும் ஒவ்வொரு 20 நிமிடங்களுக்குப் பின்னும் 20 மணித் துளிகள் இடைவெளி எடுத்து, இருபதடி தொலைவில் இருக்கும் ஒரு பொருளின் மீது கவனம் செலுத்துவது கண்களுக்கு ஓய்வு தரும்.
* உங்கள் டிவைசில் ப்ளூ லைட் ஃபில்ட்டர் உபயோகிப்பது அல்லது ப்ளூ லைட் ஒளியிலிருந்து கண்களைப் பாதுகாக்கும் உபகரணங்களை திரையில் பொருத்துவது நன்மை தரும்.
* கண்களின் சௌகரியத்திற்கு தகுந்த அளவில் திரையில் வெளிச்சம் பெறக்கூடிய விருப்பத் தேர்வை (Option) தேர்ந்தெடுத்து உபயோகிக்கவும். மிக அதிக வெளிச்சம் அல்லது முழுமையாக இருண்ட சூழ்நிலையில் ஸ்மார்ட் போன் உபயோகிப்பதைத் தவிர்க்கவும்.
தொடர்ச்சியாக உடற்பயிற்சி செய்து வந்தால் என்ன ஆகும் தெரியுமா?* சௌகரியமான தொலைவில், அதாவது கண்களிலிருந்து பதினாறு முதல் பதினெட்டு அங்குல தொலைவில் போனைப் பிடித்துக்கொண்டு உபயோகிக்கவும்.
* கண்களை அடிக்கடி சிமிட்டி (Blink), கண்ணுக்குள் ஈரப்பதம் குறையாமல் பார்த்துக்கொள்வது அவசியம்.
* குறிப்பிட்ட இடைவெளிகளில், கண் டாக்டரிடம் சென்று கண்களைப் பரிசோதித்து, குறை இருப்பின் நிவர்த்தி செய்துகொள்வது நலம்.
மேற்கண்ட டிப்ஸ்களை தவறாமல் பின்பற்றி ஸ்மார்ட் போன் உபயோகிப்பதால் வரும் பாதிப்புகளை ஸ்மார்ட்டான முறையில் தவிர்ப்போம்.