சமீபத்திய மசாசூசெட்ஸ் ஜெனரல் பிரிகாம் (Massachusetts General Brigham) ஆராய்ச்சியாளர்களின் கண்டுபிடிப்பின்படி, தினமும் மல்டிவைட்டமின் மாத்திரைகளை உட்கொள்வது செல்களின் முதுமையைத் தாமதப்படுத்துவதோடு, ஒருவரது உயிரியல் வயதை (biological age) சுமார் நான்கு மாதங்கள் வரை குறைக்கக்கூடும் என தெரியவந்துள்ளது.
டெய்லி மெயில் (Daily Mail) செய்தியின்படி, 'நேச்சர் மெடிசின்' (Nature Medicine) இதழில் வெளியிடப்பட்ட இந்த ஆய்வு, 70 வயதிற்குட்பட்ட சுமார் 1,000 பேரின் உயிரியல் வயது குறித்து ஒரு சோதனையை மேற்கொண்டது.
இதில் இரண்டு ஆண்டுகளுக்கும் மேலாக டிஎன்ஏ-வில் (DNA) ஏற்படும் வயது சார்ந்த மாற்றங்களை (methylation) அவர்கள் கண்காணித்தனர்.
தினசரி மல்டிவைட்டமின் மாத்திரைகளை உட்கொண்டவர்களிடம், டிஎன்ஏ அடிப்படையிலான ஐந்து முதுமை அளவீடுகளிலும் குறைவான வேகமே காணப்பட்டது.
குறிப்பாக, தங்களது உண்மையான வயதை விட அதிக உயிரியல் வயதைக் கொண்டிருந்தவர்களிடம் இந்த மாற்றம் மிகவும் வலுவாக இருந்தது.
"பாதுகாப்பான மற்றும் அணுகக்கூடிய தலையீடுகள் மூலம் ஆரோக்கியமான, உயர்தரமான முதுமையை எட்டுவது குறித்து மேலும் தெரிந்துகொள்ள இது ஒரு வாய்ப்பை ஏற்படுத்தியுள்ளது," என்று ஆய்வாளர் ஹோவர்ட் செஸ்ஸோ (Howard Sesso) டெய்லி மெயிலிடம் தெரிவித்தார்.
வைட்டமின் டி (Vitamin D) மாத்திரை உபயோகிப்போர் கவனத்திற்கு! அளவுக்கு மிஞ்சினால் ஆபத்து!குறிப்பு: நீங்கள் ஏதேனும் மல்டிவைட்டமின் அல்லது சப்ளிமெண்ட்ஸ் எடுக்கத் தொடங்கும் முன் உங்கள் மருத்துவரை அணுகி ஆலோசனை பெறுவது நல்லது.
(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)