இந்த அறிவிப்பானது, அமெரிக்க ஜனாதிபதி டொனால்டு ட்ரம்ப், சமூக வலைத்தளத்தில் கடுமையான வார்த்தைகளில் ஈரானை எச்சரித்த சில மணி நேரங்களுக்குப் பிறகு வெளியிடப்பட்டது.

ஹார்முஸ் விவகாரம்: 40 நாடுகள் பங்கேற்கும் பிரித்தானியா தலைமையிலான கூட்டம்

"இந்த முக்கியமான நீரிணை மீது வெளிநாட்டு ஆதிக்கம் முடிவடைந்துவிட்டது. இனி, அமெரிக்கா அல்லது இஸ்ரேல் (Zionist regime) இங்கு தங்கள் விதிகளைச் சொல்ல முடியாது" என IRGC-யின் கடற்படை பிரிவு கூறியுள்ளது.

மேலும், பாரசீக வளைகுடா பாதுகாப்பை, அப்பகுதியின் கடலோர நாடுகள் தாமே உறுதி செய்யும் வகையில் புதிய உளநாட்டு பாதுகாப்பு கட்டமைப்பை உருவாக்கப்படுவதாக IRGC தெரிவித்துள்ளது.

அதில், கடற்படையை நிலைநிறுத்துதல், மேம்பட்ட கண்காணிப்பு அமைப்புகள் மற்றும் ஒருங்கிணைந்த விரைவான பதிலளிக்கும் திறன்கள் ஆகியவை அடங்கும்.

இதற்கிடையில், ட்ரம்ப் தனது Truth Social தளத்தில், "செவ்வாய்க்கிழமை மின் உற்பத்தி நிலைய தினம் மற்றும் பாலம் தினம், அனைத்தும் ஈரானில் ஒன்றாக மூடப்பட்டிருக்கும். அப்படி எதுவும் இருக்காது" எனக் கடுமையாக எச்சரித்துள்ளார்.

அவர், "ஈரான் ஹார்முஸ் நீரிணையை திறக்காவிட்டால், அதன் எரிசக்தி உள்கட்டமைப்புகள் மீது தாக்குதல் நடத்தப்படும்" எனக் கூறியுள்ளார்.

போர் தொடரும்., அமெரிக்காவின் சமாதான முன்மொழிவை நிராகரித்த ஈரான்

ஈரான் வெளிவிவகார அமைச்சகம், "அமெரிக்காவின் பேச்சுவார்த்தை முயற்சிகள், ஈரானுக்கு எதிரான குற்றங்களுடன் முரண்படுகின்றன. அமெரிக்கா, ஈரானில் நடந்த F-15E விமானி மீட்பு நடவடிக்கையை, செறிவூட்டப்பட்ட யூரேனியும் திருடும் முயற்சியாக பயன்படுத்தியது" எனக் குற்றம் சாட்டியுள்ளது.

ஈரான் இராணுவ செய்தித்தொடர்பாளர், "எதிரியை உண்மையான வருத்த நிலைக்கு கொண்டு செல்லும் வரை தாக்குதல்கள் தொடரும்" எனக் கூறியுள்ளார்.

ஹார்முஸ் நீரிணை மீதான ஈரானின் நிலைப்பாடு, உலக எரிசக்தி பாதுகாப்பிற்கும், சர்வதேச வர்த்தகத்திற்கும் பெரிய சவாலாக மாறியுள்ளது.

#IranUSConflict #HormuzStrait #IRGC #GlobalEnergy #MiddleEastWar #TrumpUltimatum