லெபனானின் தெற்கு பகுதியில், சமூக ஊடகங்களில் பரவியுள்ள ஒரு புகைப்படம் பெரும் சர்ச்சையை ஏற்படுத்தியுள்ளது.

அந்த படத்தில், ஒரு இஸ்ரேல் இராணுவ வீரர் இயேசு கிறிஸ்துவின் சிலையை சுத்தியால் தாக்குவதாக தெரிகிறது.

ஐரோப்பிய ஒன்றியத்துடன் புதிய வர்த்தக ஒப்பந்தங்களை முயற்சிக்கும் பிரித்தானியா

இந்நிலையில், இஸ்ரேல் இராணுவம் இந்த புகைப்படத்தின் உண்மைத்தன்மையை ஆராய்ந்து வருகிறது.

"இது உண்மையான, சமீபத்திய படம் என்றால், அது எங்கள் மதிப்புகளுக்கும், சிப்பாய்களின் நடத்தை விதிகளுக்கும் முரணானது. முழுமையான விசாரணை நடத்தப்படும். தேவையான நடவடிக்கைகள் எடுக்கப்படும்" என்று இராணுவ செய்தித் தொடர்பாளர் நதாவ் ஷோஷானி தெரிவித்துள்ளார்.

அந்த சிலை லெபனானின் டெப்ல் என்ற கிறிஸ்தவ கிராமத்தில் இருந்ததாக அரபு ஊடகங்கள் கூறுகின்றன. ஆனால், அது சேதமடைந்ததா என்பதை உள்ளூர் நிர்வாகம் உறுதிப்படுத்தவில்லை.

இந்த சம்பவம், ஏற்கனவே போர் சூழ்நிலையில் இருக்கும் லெபனானில் புதிய பதற்றத்தை ஏற்படுத்தியுள்ளது.

ஹிஸ்புல்லா அமைப்பு ஈரானுக்கு ஆதரவாக இஸ்ரேலுக்கு எதிராக தாக்குதல் நடத்தியதால், இஸ்ரேல் தெற்கு லெபனானில் படையெடுப்பு மேற்கொண்டது.

சமீபத்தில் இரு நாடுகளும் போர் இடைநிறுத்த ஒப்பந்தத்தில் கையெழுத்திட்டிருந்தாலும், இஸ்ரேல் படைகள் அப்பகுதியில் இன்னும் தங்கி வருகின்றன.