வைட்டமின் சி முடிக்கு இன்றியமையாத ஊட்டச்சத்து என்பதால் நெல்லிக்காய் எண்ணெய் முடி ஆரோக்கியத்துக்கு நல்லது.

இதில் நிறைந்துள்ள வைட்டமின் சி மற்றும் ஆன்டிஆக்ஸிடன்ட்கள் மயிர்க்கால்களைத் தூண்டி, முடி வளர்ச்சியை அதிகரிக்கவும், முடி உதிர்வைக் குறைக்கவும் உதவுகின்றன.

அந்தவகையில், முழங்கால் வரை முடி வளர உதவும் நெல்லிக்காய் எண்ணெயை எப்படி தயாரிப்பது என்று பார்க்கலாம்.

வெள்ளைமுடியை கருப்பாக்க உதவும் கருஞ்சீரக எண்ணெய்.., எப்படி தயாரிப்பது?

தேவையான பொருட்கள்

• நெல்லிக்காய்- 10
• தேங்காய் எண்ணெய்- 2 கப்

எப்படி தயாரிப்பது?

முதலில் நெல்லிக்காயை நன்கு கழுவி அரைத்து எடுத்துக்கொள்ளவும்.

பின் அடுப்பில் ஒரு இரும்பு வாணல் வைத்து தேங்காய் எண்ணெய் ஊற்றி மிதமான சூட்டில் வைத்து கொதிக்கவைக்கவும்.

அடுத்து இதில் நெல்லிக்காய் அரைத்த சாற்றை சேர்த்து மிதமான தீயில் கொதிக்கவைக்கவும்.

இதற்கடுத்து எண்ணெய் நன்கு நிறம் மாறி வந்ததும் அடுப்பை அனைத்து எண்ணெய் ஆறியதும் இதனை வடிகட்டி வைத்துக்கொள்ளவும்.

நெல்லிக்காய் எண்ணெயை உள்ளங்கையில் ஊற்றி, இரண்டு கைகளாலும் தேய்த்து முடியின் வேர் முதல் நுனி வரை நன்றாக தடவவும்.

பின்னர் 10 நிமிடங்கள் வரை மெதுவாக மசாஜ் செய்து ஊறவிட்டு கூந்தலை மென்மையான ஷாம்பு கொண்டு அலசிக்கொள்ளலாம்.