நியுசிலாந்து அரசு, வேலைவாய்ப்பு விசா மற்றும் முதலீட்டு விசா விதிகளில் முக்கிய மாற்றங்களை அறிவித்துள்ளது.

இந்த மாற்றங்கள் ஜூன் 1 முதல் நடைமுறைக்கு வரவுள்ளன. Accredited Employer Work Visa மற்றும் ActiveInvestor Plus Visa Growth ஆகிய இரண்டு பிரிவுகளில் இந்த மாற்றங்கள் அறிவிக்கப்பட்டுள்ளன.

வேலைவாய்ப்பு விசாவில் என்ன மாற்றம்?

Skill Level 3 வேலைகளுக்கான விண்ணப்பதாரர்களுக்கும் ஆங்கில மொழித் திறன் கட்டாயமாக்கப்பட்டுள்ளது. இதற்கு முன்பு, Skill Level 4 மற்றும் Skill Level 5 வேலைகளுக்கு மட்டுமே இந்த விதி இருந்தது.

இப்போது ஹொட்டல், வணிகம், தொழில்கள் போன்ற துறைகளில் பணிபுரிய விரும்புவோர், அடிப்படை ஆங்கிலத்தில் தொடர்புகொள்ளும் திறன் கொண்டிருக்க வேண்டும்.

இது, அன்றாட ஆங்கிலத்தில் பேசும் திறன், பணியாளர்கள் தங்கள் உரிமைகளை புரிந்து கொள்ளவும், சமூகத்துடன் கலந்து கொள்ளவும் உதவும் என குடிவரவு அமைச்சர் எரிகா ஸ்டான்ஃபோர்ட் தெரிவித்துள்ளார்.

ஆனால், Global Workforce Seasonal Visa மற்றும் Peak Seasonal Visa விண்ணப்பதாரர்களுக்கு இந்த ஆங்கில தரம் விதி பொருந்தாது.

முதலீட்டு விசா விதிகளில் முக்கிய மாற்றம்

முதலீட்டு விசா பிரிவில், Active Investor Visa Growth விண்ணப்பதாரர்கள், குறைந்தது 5 மில்லியன் நியூசிலாந்து டொலர் முதலீட்டில், 20 சதவீதம் (1 மில்லியன்) நன்கொடைகளுக்கு ஒதுக்க அனுமதி வழங்கப்பட்டுள்ளது.