தாய்லாந்து அரசு சுற்றுலா விசா விதிகளில் பெரிய மாற்றத்தை அறிவித்துள்ளது.

இதுவரை 93 நாடுகளின் குடிமக்கள், விசா இல்லாமல் 60 நாட்கள் வரை தாய்லாந்தில் தங்க அனுமதி பெற்றிருந்தனர்.

30 ஆண்டுகளாக வாழ்ந்து வந்த இந்தியரை வெளியேற்றும் நாடு., 18 வருட உணவகம் மூடல்

ஆனால், புதிய விதிமுறையின்படி இனி அவர்கள் 30 நாட்களுக்கு மேல் தங்க விரும்பினால் விசா பெற வேண்டும்.

இந்த மாற்றத்தின் மூலம், 2024 ஜூலை மாதம் அறிமுகப்படுத்தப்பட்ட 60 நாள் விசா விலக்கு திட்டம் இதோடு ரத்து செய்யப்படுகிறது.

அப்போது, கொரோனா பாதிப்புக்குப் பிறகு சுற்றுலா வளர்ச்சியை ஊக்குவிக்க அரசு இந்த சலுகையை வழங்கியது.

ஆனால் சமீபத்தில் வெளிநாட்டவர்களுடன் தொடர்புடைய போதைப்பொருள் மற்றும் மனிதக் கடத்தல் சம்பவங்கள் அதிகரித்ததால், பாதுகாப்பு காரணங்களுக்காக அரசு இந்த முடிவை எடுத்துள்ளது.

தாய்லாந்து பிரதமர் அனுதின் சார்ன்விராகுல், "இப்போதைய சூழ்நிலைக்கு ஏற்ப பொருளாதாரமும், தேசிய பாதுகாப்பும் கருத்தில் கொண்டு இந்த மாற்றம் அவசியமானது" என்று தெரிவித்துள்ளார்.

அமெரிக்க தடைகளை பொருட்படுத்தாமல் ரஷ்ய எண்ணெய் வாங்கும் இந்தியா

பிரித்தானியா, அவுஸ்திரேலியா, சீனா, பிரான்ஸ், ஜேர்மனி, இந்தியா, இத்தாலி, ஸ்பெயின், அமெரிக்கா உள்ளிட்ட பல நாடுகளின் குடிமக்கள் இப்போது 30 நாட்களுக்கு மேல் தங்க விசா பெற வேண்டும்.

சில நாடுகளுக்கு இருதரப்பு ஒப்பந்தங்களின் அடிப்படையில் வேறுபட்ட கால அவகாசம் வழங்கப்படும்.