உக்ரைன் தலைநகர் கீவ் மீது ரஷ்யா தொடர்ந்து ஏவுகணை தாக்குதல் நடத்தி வருகிறது. சமீபத்திய தாக்குதல்களில் பல இடங்கள் சேதமடைந்துள்ளன.

இதனால் அங்கு வசிக்கும் வெளிநாட்டு குடிமக்கள் உடனடியாக நகரத்தை விட்டு வெளியேற வேண்டும் என்று ரஷ்யா எச்சரிக்கை விடுத்துள்ளது.

நிதி நெருக்கடியில் பிரித்தானிய பல்கலைக்கழகங்கள்., ஏழை மாணவர்களுக்கு அதிக பாதிப்பு

ரஷ்யாவின் பாதுகாப்பு அமைச்சகம் வெளியிட்ட அறிக்கையில், "கீவ் நகரில் உள்ள முக்கிய இடங்கள், அரசாங்க கட்டிடங்கள் மற்றும் இராணுவ வசதிகள் மீது மேலும் தாக்குதல் நடத்தப்படும். வெளிநாட்டவர்கள் தங்கள் பாதுகாப்பிற்காக நகரத்தை விட்டு வெளியேற வேண்டும்" என தெரிவித்துள்ளது.

இந்த அறிவிப்பு உக்ரைன் மக்களிடையே பெரும் பதற்றத்தை ஏற்படுத்தியுள்ளது.

ஏற்கனவே கீவ் நகரம் பல்வேறு ஏவுகணை தாக்குதல்களால் பாதிக்கப்பட்டுள்ளது. பொதுமக்கள் தங்கள் வீடுகளை விட்டு பாதுகாப்பான இடங்களுக்கு இடம்பெயர்ந்து வருகின்றனர்.

உக்ரைன் அரசு ரஷ்யாவின் இந்த நடவடிக்கையை கடுமையாக கண்டித்துள்ளது. "இது பொதுமக்களை அச்சுறுத்தும் முயற்சி. வெளிநாட்டு குடிமக்களை வெளியேறுமாறு கூறுவது மனிதாபிமானத்திற்கு எதிரானது" என்று உக்ரைன் அதிகாரிகள் தெரிவித்துள்ளனர்.