லண்டனில் உள்ள ஈரான் தூதரகம், அங்கு வசிக்கும் ஈரான் வெளிநாட்டு குடியிருப்பாளர்களை "உயிரை அர்ப்பணிக்க" அழைப்பு கொடுத்து செய்தி வெளியிட்டதால் பெரும் சர்ச்சை எழுந்துள்ளது.

ஈரான் தூதரகத்தின் அதிகாரப்பூர்வ Telegram சேனலில் "ஜான் ஃபதா" (Jan Fada) என்ற பிரச்சாரத்தின் கீழ் இந்த செய்தி வெளியிடப்பட்டுள்ளது.

பிரித்தானியாவில் மக்கள் ஆரோக்கியமாக வாழும் காலம் 2 ஆண்டுகள் சரிவு

அதில், "ஈரானின் வீரமான மகன்கள் தங்கள் நாட்டின் கண்ணியத்திற்காக உயிரை அர்ப்பணிக்க தயாராக இருக்க வேண்டும்" என்று கூறப்பட்டுள்ளது.

இந்த செய்தியின் மூலம், வெளிநாட்டில் வாழும் ஈரானியர்களை உயிர் தியாகம் செய்ய ஊக்குவிப்பதால், பிரித்தானிய அதிகாரிகள் கடும் எதிர்ப்பு தெரிவித்துள்ளனர்.

பிரித்தானிய வெளிவிவகார அலுவலகம், ஈரான் தூதர் செய்யத் அலி முஸாவியை அழைத்து, இந்த செய்தியை "ஏற்றுக்கொள்ள முடியாதது" என்று தெரிவித்துள்ளது.

பிரித்தானிய அரசியல் வட்டாரங்கள், இப்படியான அழைப்புகள் சமூகத்தில் பதற்றத்தை ஏற்படுத்தக்கூடும் என்றும், பாதுகாப்பு அமைப்புகள் இதை தீவிரமாக கண்காணித்து வருவதாகவும் தெரிவித்துள்ளன.

ஈரான் தூதரகம், இந்த பிரச்சாரத்தை "நாட்டின் மீது நாட்டுப்பற்று மற்றும் நம்பிக்கை காட்டும் முயற்சி" என விளக்கம் அளித்து, இது வன்முறையை ஊக்குவிக்கும் செயல் அல்ல என்றும் மறுப்பு தெரிவித்துள்ளது.