மேம்பட்ட மரபணுப் பரிசோதனையைப் பயன்படுத்தி, விஞ்ஞானிகள் அந்தத் துணியின் இழைகளுக்குள் இந்தியாவுடன் தொடர்புடைய மனித மற்றும் தாவர டிஎன்ஏ இரண்டையும் கண்டறிந்துள்ளனர்.

சிலுவையில் அறையப்பட்ட பிறகு இயேசு கிறிஸ்துவை அடக்கம் செய்த துணியாக நீண்ட காலமாக கிஸ்தவ மக்களால் நம்பப்படும் 'டுரின்' துணியானது, இந்தியத் துணைக்கண்டத்தைச் சேர்ந்த மக்களுடன் தொடர்பில் இருந்திருக்கலாம் என்று ஒரு புதிய மரபணு ஆய்வு கண்டறிந்துள்ளது. இந்தத் துணி முதன்முதலில் 14 ஆம் நூற்றாண்டில் ஐரோப்பாவில் கண்டெடுக்கப்பட்டது. அன்று முதல் இது உலகில் அதிகம் ஆய்வு செய்யப்பட்ட மதரீதியான கலைப்பொருட்களில் ஒன்றாக மாறியுள்ளது. ஆராய்ச்சியாளர்கள், அந்தப் போர்வையிலிருந்து கிடைத்த மிகச்சிறிய தூசுத் துகள்கள் மற்றும் இழைகளை ஆய்வு செய்ய, அடுத்த தலைமுறை வரிசைப்படுத்தல் (Next Generation Sequencing) தொழில்நுட்பத்தைப் பயன்படுத்தினர். அவர்கள் மனிதர்கள் மற்றும் தாவரங்கள் இரண்டிலிருந்தும் மைட்டோகாண்ட்ரியல் டிஎன்ஏவைப் பிரித்தெடுத்தனர். இந்த ஆய்வின் முடிவுகள், இந்தியத் துணைக்கண்டத்துடன் தெளிவான மரபணுத் தொடர்புகளைக் கொண்டிருந்தன. இதில், தெற்காசியாவில் பொதுவாகக் காணப்படும் மனித டிஎன்ஏ மரபுவழிகளும், இந்தியாவைத் தாயகமாகக் கொண்ட தட்டைப்பயறு போன்ற தாவர இனங்களின் டிஎன்ஏவும் அடங்கும்.

இத்தாலியின் படோவா பல்கலைக்கழக ஆராய்ச்சியாளர்கள், 1978ல் 'டுரின்' துணியிலிருந்து சேகரிக்கப்பட்ட பொருட்களைப் பகுப்பாய்வு செய்து, அத்துணியில் உள்ள மனித டிஎன்ஏ-வில் கிட்டத்தட்ட 40% இந்திய வம்சாவளியைச் சேர்ந்தது என்பதைக் கண்டறிந்தனர். இது, அந்தத் துணியை நெய்யப் பயன்படுத்தப்பட்ட நூல் பண்டைய இந்தியாவின் சிந்து சமவெளிப் பகுதியிலிருந்து தோன்றியிருக்கலாம் என்ற ஊகத்திற்கு வழிவகுத்துள்ளது. மேலும், "அந்தத் திருவுடை பல நபர்களுடன் தொடர்பு கொண்டதால், அதன் அசல்

டிஎன்ஏ-வை அடையாளம் காணும் சாத்தியக்கூறு சவாலுக்கு உள்ளாகிறது," என்று ஆய்வாளர்கள் கூறுகின்றனர். இந்தியத் தொடர்புடைய டிஎன்ஏ எப்போது படிந்தது என்பதை அந்த ஆய்வு உறுதிப்படுத்தவில்லை. அது கிறிஸ்தவத்தின் ஆரம்ப நூற்றாண்டுகளிலா?, இடைக்காலத்திலா?, அல்லது 1354ல் ஐரோப்பாவில் அந்தத் துணி தோன்றிய பிறகா? என்பது தெரியவில்லை. நூற்றுக்கணக்கான ஆண்டுகளாக ஏற்பட்ட கடுமையான மாசுபடுதல் காரணமாக, ஆராய்ச்சியாளர்கள் "அசல்" டிஎன்ஏ என்று விவரித்ததை அந்தத் துணியிலிருந்து பிரித்தெடுப்பது சாத்தியமற்றதாகிவிட்டது.

'டுரின்' திருவுடை ஒரு சிக்கலான வரலாற்றைக் கொண்டுள்ளது. இது 1354ம் ஆண்டில் பிரான்சில் முதன்முதலில் காணப்பட்டதாக ஆவணப்படுத்தப்பட்டுள்ளது. அன்று முதல், இது இத்தாலியின் டுரின் நகரில் உள்ள புனித யோவான் ஸ்நானகர் பேராலயத்தில் வைக்கப்பட்டு, மில்லியன் கணக்கான பார்வையாளர்களை ஈர்த்தது. தற்போது, அதன் நம்பகத்தன்மை குறித்து தீவிர விவாதத்தைத் தூண்டியுள்ளது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.