தமிழக அரசியலில் அதிரடி: விஜய்க்கு கை கொடுத்த காங்கிரஸ் - 5 எம்.எல்.ஏக்கள் ஆதரவு கடிதம்!

தமிழக சட்டமன்றத் தேர்தல் முடிவுகள் வெளியாகி இரண்டு நாட்களாகியும் இன்னும் புதிய அரசு அமைவதில் நீடித்து வந்த இழுபறி தற்போது ஒரு முடிவுக்கு வந்துள்ளது.

108 இடங்களைப் பிடித்து தனிப்பெரும் கட்சியாக உருவெடுத்துள்ள தமிழக வெற்றிக் கழகத்திற்கு, காங்கிரஸ் கட்சி தனது அதிகாரப்பூர்வ ஆதரவை வழங்கியுள்ளது. இதன் மூலம் தமிழக அரசியல் களத்தில் மிக முக்கியமான மாற்றம் நிகழ்ந்துள்ளது. காங்கிரஸின் இந்த முடிவைத் தொடர்ந்து, அந்தக் கட்சியில் வெற்றி பெற்றுள்ள 5 சட்டமன்ற உறுப்பினர்களும் தவெக ஆட்சியமைக்க ஆதரவு தெரிவித்து தங்கள் கையெழுத்திட்ட கடிதத்தை வெளியிட்டுள்ளனர்.

தமிழகத்தில் பல தசாப்தங்களாக நிலவி வந்த திமுக மற்றும் அதிமுக ஆகிய இரு துருவ அரசியலை உடைத்து, விஜய் தலைமையிலான தவெக மிகப்பெரிய வெற்றியைப் பெற்றுள்ளது. இருப்பினும், ஆட்சி அமைக்கத் தேவையான 118 இடங்களை அடைய இன்னும் சில இடங்கள் தேவைப்பட்ட நிலையில், காங்கிரஸின் இந்த 5 இடங்கள் விஜய்க்கு மிக முக்கியமான பலமாகப் பார்க்கப்படுகிறது. காங்கிரஸ் மேலிடத்தின் அனுமதியைப் பெற்று, தமிழக காங்கிரஸ் கமிட்டி இந்த ஆதரவு முடிவை அறிவித்துள்ளது. இது திமுக தலைமையிலான கூட்டணியில் பெரும் அதிர்வுகளை ஏற்படுத்தியுள்ளது.

காங்கிரஸ் கட்சி தனது ஆதரவை வழங்கும் அதே வேளையில், மிகக் கடுமையான நிபந்தனை ஒன்றையும் விதித்துள்ளது. அதன்படி, அமையப்போகும் புதிய ஆட்சியில் எந்தவொரு மதவாத சக்திகளுக்கும் இடம் கொடுத்துவிடக் கூடாது என்பதை அவர்கள் முக்கியக் கோரிக்கையாக வைத்துள்ளனர். இந்திய அரசியலமைப்பின் மீது நம்பிக்கை இல்லாத மற்றும் மத நல்லிணக்கத்தைச் சீர்குலைக்கும் எந்தவொரு சக்தியையும் கூட்டணியிலோ அல்லது ஆட்சியிலோ சேர்க்கக் கூடாது என்பதே அந்த நிபந்தனையின் சாராம்சமாகும். இது மறைமுகமாக பாஜக மற்றும் அதன் கூட்டணி கட்சிகளை ஒதுக்கி வைக்க வேண்டும் என்பதைக் குறிப்பதாக அரசியல் நோக்கர்கள் கருதுகிறார்கள்.

இந்த ஆதரவு கடிதம் வெளியானதைத் தொடர்ந்து, தமிழகத்தில் விஜய் தலைமையிலான புதிய அரசு அமைவது கிட்டத்தட்ட உறுதியாகியுள்ளது. காங்கிரஸ் கட்சியின் 5 எம்.எல்.ஏக்களின் ஆதரவு கிடைத்திருப்பதால், மற்ற சிறிய கட்சிகள் மற்றும் சுயேச்சைகளின் ஆதரவைப் பெற்று மெஜாரிட்டியை நிரூபிக்கத் தேவையான வேலைகளில்தவெக நிர்வாகிகள் தீவிரமாக இறங்கியுள்ளனர். குறிப்பாக, காமராஜர் காலத்து பொற்கால ஆட்சியை மீண்டும் கொண்டு வர வேண்டும் என்ற நோக்கில் இந்த கூட்டணி அமைந்திருப்பதாக காங்கிரஸ் தரப்பில் விளக்கமளிக்கப்பட்டுள்ளது.

திமுக கூட்டணியில் இருந்து கொண்டு, தவெகவிற்கு காங்கிரஸ் ஆதரவு அளித்திருப்பது அக்கட்சிகளிடையே கசப்புணர்வை ஏற்படுத்தியுள்ளது. இருப்பினும், மக்களின் தீர்ப்பை ஏற்று ஒரு நிலையான ஆட்சியைத் தருவதற்காகவே இந்த முடிவை எடுத்துள்ளதாக காங்கிரஸ் தலைவர்கள் கூறி வருகிறார்கள். விஜய்யின் அரசியல் பயணம் முதல் தேர்தலிலேயே ஆட்சி அதிகாரத்தைக் கைப்பற்றும் நிலைக்குச் சென்றுள்ளது அவரது தொண்டர்களிடையே பெரும் உற்சாகத்தை ஏற்படுத்தியுள்ளது. ஆளுநரைச் சந்தித்து ஆட்சி அமைக்க உரிமை கோருவதற்கான ஏற்பாடுகள் தற்போது விறுவிறுப்பாக நடைபெற்று வருகின்றன.

செய்யாறு - முக்கூர் என். சுப்பிரமணியன் (அதிமுக)

செய்யூர் - ராஜசேகர் இ. (அதிமுக)

சிதம்பரம் - தமீமுன் அன்சாரி எம். (திமுக)

கோயம்புத்தூர் (வடக்கு) - வி சம்பத்குமார் (தவெக)

கோயம்புத்தூர்(தெற்கு ) - வி செந்தில் பாலாஜி (திமுக)

குளச்சல் - தாரகை கத்பெர்ட் (காங்கிரஸ்)

குன்னூர் - எம். ராஜூ (திமுக)

கடலூர் - பி. ராஜ்குமார் (தவெக)

கம்பம் - ஜெகநாத் மிஸ்ரா (தவெக)

தாராபுரம் - சத்யபாமா (அதிமுக)

தருமபுரி - செளமியா அன்புமணி (பாமக)

திண்டுக்கல் - செந்தில்குமார் (திமுக)

டாக்டர் ராதாகிருஷ்ணன் நகர் - மரி வில்சன் (தவெக)

எடப்பாடி - எடப்பாடி கே. பழனிசாமி (அதிமுக)

எழும்பூர் - ராஜ்மோகன் (தவெக)

ஈரோடு (கிழக்கு) - விஜய் பாலாஜி (தவெக)

ஈரோடு (மேற்கு) - ஆனந்த் மோகன் (தவெக)

கந்தர்வக்கோட்டை - என். சுப்பிரமணியன் (தவெக)

கங்கவல்லி - நல்லதம்பி (அதிமுக)

செஞ்சி - கணேஷ்குமார் (பாமக)

கோபிசெட்டிபாளையம் - செங்கோட்டையன் (தவெக)

கூடலூர் - திராவிடமணி (திமுக)

குடியாத்தம் - கே.சிந்து (தவெக)

கும்மிடிப்பூண்டி - எஸ் விஜயகுமார்( தவெக)

துறைமுகம் - சேகர்பாபு (திமுக)

அரூர் - சம்பத்குமார் (அதிமுக)

ஓசூர் - பாலகிருஷ்ண ரெட்டி (அதிமுக)

ஜெயங்கொண்டம் - வைத்திலிங்கம் (பாமக)

ஜோலார்பேட்டை - கே.சி. வீரமணி (அதிமுக)

கடையநல்லூர் - ராஜேந்திரன் (திமுக)

கலசபாக்கம் - அக்ரி. கிருஷ்ணமூர்த்தி (அதிமுக)

கள்ளக்குறிச்சி - அருள் விக்னேஷ் (தவெக)

காஞ்சிபுரம் - ஆர்.வி. ரஞ்சித் குமார் (தவெக)

காங்கேயம் - என் எஸ் என் நடராஜ் (அதிமுக)

கன்னியாகுமரி - தளவாய் சுந்தரம் (அதிமுக)

காரைக்குடி - டி.கே. பிரபு (தவெக)

கரூர் - எம்,ஆர். விஜயபாஸ்கர் (அதிமுக)

காட்பாடி - எம். சுதாகர் (தவெக)

காட்டுமன்னார்கோயில் - ஜோதிமணி (விசிக)

கவுண்டம்பாளையம் - கனிமொழி சந்தோஷ்(தவெக)

கிள்ளியூர் - ராஜேஷ்குமார் (காங்கிரஸ்)

கீழ்பெண்ணாத்தூர் - ராமசந்திரன் (அதிமுக)

கீழ்வைத்தினான்குப்பம் - தென்றல் குமார் (தவெக)

கீழ்வேளூர் - லதா (மார்க்சிஸ்ட் கம்யூனிஸ்ட்)

கிணத்துக்கடவு - விக்னேஷ் கே (தவெக)

கொளத்தூர் - வி.எஸ். பாபு (தவெக)

கோவில்பட்டி - கருணாநிதி கே (திமுக)

கிருஷ்ணகிரி - முகுந்தன் பி (தவெக)

கிருஷ்ணராயபுரம் - சத்யா எம் (தவெக)

குளித்தலை - சூரியனூர் எ. சந்திரன் (திமுக)

குமாரபாளையம் - சி. விஜயலக்‌ஷ்மி (தவெக)

கும்பகோணம் - வினோத் (தவெக)

குன்னம் - சிவசங்கர் (திமுக)

குறிஞ்சிப்பாடி - எம்.ஆர்.கே. பன்னீர்செல்வம் (திமுக)

லால்குடி - லீமாரோஸ் மார்ட்டின் (அதிமுக)

மடத்துக்குளம் - ஆர். ஜெயராமகிருஷ்ணன் (திமுக)

மாதவரம் - எம்.எல். விஜயபிரபு (தவெக)

மதுரை மத்தி - மதர் பஹருதீன் (தவெக)

மதுரை கிழக்கு - கார்த்திகேயன் எஸ் (தவெக)

மதுரை வடக்கு - அ. கல்லணை (தவெக)

மதுரை தெற்கு - கோபிசன் (தவெக)

மதுரை மேற்கு - தங்கபாண்டி (தவெக)

மதுராந்தகம் - மரகதம் குமாரவேல் (அதிமுக)

மதுரவாயல் - ரேவந்த் சரன் (தவெக)

மயிலம் - சி.வி. சண்முகம் (அதிமுக)

மணச்சநல்லூர் - கதிரவன் எஸ் (திமுக)

மானாமதுரை - இளங்கோவன் டி (தவெக)

மணப்பாறை - ஆர்.கதிரவன் (தவெக)

மன்னார்குடி - காமராஜ் எஸ் (அமமுக)

மயிலாடுதுறை - ஜமால் மொகமது யூனூஸ் (காங்கிரஸ்)

மேலூர் - பி. விஸ்வநாதன் (காங்கிரஸ்)

மேட்டுப்பாளையம் - சுனில் ஆனந்த் (தவெக)

மேட்டூர் - வெங்கடாச்சலம் (அதிமுக)

மொடக்குறிச்சி - டி சண்முகம் (தவெக)

முதுகுளத்தூர் - ராஜகண்ணப்பன் (திமுக)

முசிறி - எம்.விக்னேஷ் (தவெக)

மயிலாப்பூர் - வெங்கடரமணன் (தவெக)

நாகப்பட்டினம் - ஜவாஹிருல்லா (திமுக)

நாகர்கோவில் - ஆஸ்டின் (திமுக)

நாமக்கல் - திலீப் (தவெக)

நாங்குநேரி - ரெட்டியார்பட்டி வி நாராயணன் (தவெக)

நன்னிலம் - காமராஜ் ஆர். (அதிமுக)

நத்தம் - நத்தம் விஸ்வநாதன் (அதிமுக)

நெய்வேலி - ராஜேந்திரன் (அதிமுக)

நிலக்கோட்டை - அய்யனார் (தவெக)

ஒட்டன்சத்திரம் - சக்கரபாணி (திமுக)

ஓமலூர் - மணி ஆர் (அதிமுக)

ஒரத்தநாடு - ஆர். வைத்திலிங்கம் (திமுக)

ஒட்டப்பிடாரம் - பி. மதன்ராஜா (தவெக)

பத்மநாபபுரம் - செல்லசுவாமி (மார்க்சிஸ்ட் கம்யூனிஸ்ட்)

பாலக்கோடு - கே பி அன்பழகன் (அதிமுக )

பழனி - ரவிமணோகரன் (அதிமுக)

பாளையங்கோட்டை - எம்.அப்துல் வஹாப் (திமுக)

பல்லடம் - ராம்குமார் (தவெக)

பல்லாவரம் - காமாட்சி (தவெக)

பண்ருட்டி - மோகன் (அதிமுக)

பாபநாசம் - ஷாஜஹான் (ஐயூஎம்எல்)

பாப்பிரெட்டிப்பட்டி - மரகதம் வெற்றிவேல் (அதிமுக)