இயக்குநர் ஷங்கரின் பாய்ஸ் படத்தின் மூலம் தமிழ் சினிமாவில் அறிமுகமான நடிகர் பரத். அதன் பிறகு காதல் படத்தின் மூலம் ஹீரோவாக அனைவரின் பாராட்டுகளையும் பெற்றார்.

இத்தனை வருடங்களாக தமிழ் சினிமாவில் தனக்கென ஒரு இடத்தை பரத் உருவாக்கி வைத்திருந்தாலும், இன்னும் அவர் எதிர்பார்க்கும் பெரிய வெற்றி அவருக்கு கிடைக்கவில்லை.

தற்போது நடிகர் பரத்தின் புதிய படம் குறித்த அறிவிப்பு வெளியாகி இருக்கிறது. அறிமுக இயக்குநர் பிரசாத் முருகன் இயக்கத்தில் பரத் நடிப்பில் உருவாகி உள்ள இப்படத்திற்கு "ஒன்ஸ் அபான் எ டைம் இன் மெட்ராஸ்" என பெயர் சூட்டப்பட்டுள்ளது.

இதில் பரத் உடன் இணைந்து அபிராமி, ராஜாஜி, பவித்ரா லக்ஷ்மி, ஷான், அஞ்சலி நாயர் உள்ளிட்ட பலர் முக்கிய கதாபாத்திரங்களில் நடித்துள்ளனர். இந்நிலையில் இன்று (ஏப்ரல் 12) இந்த படத்தின் ஃபர்ஸ்ட் லுக் போஸ்டரை நடிகர் விஜய் சேதுபதி வெளியிட்டு இருக்கிறார்.

கிரைம் த்ரில்லர் களத்தில் உருவாகியுள்ள இப்படத்தில் பரத் ஆட்டோ டிரைவர் கதாபாத்திரத்திலும், நடிகை அபிராமி துப்புரவு பணியாளராகவும் நடித்திருக்கின்றனர்.