ரம்ஜான் ஸ்பெஷலாக தமிழ், தெலுங்கு, இந்தி, மலையாளம் மற்றும் ஆங்கிலத்தில் வெளியாகும் படங்கள் குறித்து இங்கே பார்க்கலாம்.

வழக்கமாக வெள்ளிக்கிழமை தான் படங்கள் வெளியாவது வழக்கம். ஆனால் ரம்ஜான், தீபாவளி, பொங்கல், கிறிஸ்துமஸ் போன்ற பண்டிகைகளின் போது, ஒருநாள் முன்னதாகவே படங்கள் வெளியாகி வருகின்றன.

அந்தவகையில் ரம்ஜானை முன்னிட்டு, நாளை (ஏப்ரல் 11) எத்தனை படங்கள் திரைக்கு வருகின்றன என்னும் விவரங்களை இங்கே கொடுத்துள்ளோம்.

தமிழ்

தமிழை பொறுத்தமட்டில் ஜிவி பிரகாஷின் டியர் மற்றும் விஜய் ஆண்டனியின் ரோமியோ என இரண்டு படங்கள் வெளியாகின்றன. இரண்டுமே காதல் மற்றும் காமெடி கலந்த படங்கள் என்பதால் ரசிகர்கள் மத்தியில் இரு படங்களுமே வரவேற்பினை பெறும் எனத் தெரிகிறது.

மலையாளம்

பிரணவ், நிவின் பாலி நடிப்பில் வர்ஷங்களுக்கு சேஷம், உன்னி முகுந்தனின் ஜெய் கணேஷ் மற்றும் பஹத் பாசிலின் ஆவேஷம் ஆகிய 3 படங்கள் நாளை வெளியாகின்றன. இவற்றில் எந்த படம் ஹிட் அடிக்கும் என்பதை பொறுத்திருந்து தான் பார்க்க வேண்டும்.

தெலுங்கு

அஞ்சலி, ஸ்ரீனிவாச ரெட்டி நடிப்பில் ஹாரர்+காமெடி திரைப்படமாக உருவாகியிருக்கும் கீதாஞ்சலி மல்லி வச்சிந்தி திரைப்படம் தெலுங்கில் நாளை வெளியாகிறது.

இந்தி

அக்ஷய் குமார், டைகர் ஷெராப் நடிப்பில் படே மியான் சோட்டே மியான் மற்றும் அஜய் தேவ்கன் நடிப்பில் மைதான் ஆகிய இரண்டு படங்கள் ரம்ஜானை முன்னிட்டு நாளை வெளியாகின்றன.