பஞ்சாப் கிங்ஸ் அணியை 3 விக்கெட்டுகள் வித்தியாசத்தில் வீழ்த்தி குஜராத் டைட்டன்ஸ் அணி புள்ளிப்பட்டியலில் 6வது இடத்துக்கு முன்னேறியுள்ளது.

ஐபிஎல் 2024 தொடரின் 37வது லீக் போட்டி பஞ்சாப் கிங்ஸ் - குஜராத் டைட்டன்ஸ் அணிகளுக்கு இடையே முல்லான்பூர் மைதானத்தில் நேற்று(ஏப்ரல் 22) இரவு நடைபெற்றது.

இந்த போட்டியில் டாஸ் வென்ற பஞ்சாப் அணி பேட்டிங்கை தேர்வு செய்தது.

பஞ்சாப் சொதப்பல்!

அதன்படி முதலில் பேட்டிங் செய்த பஞ்சாப் கிங்ஸ் அணி 20 ஓவரில் 142 ரன்களுக்கு ஆல் அவுட் ஆனது.

அந்த அணியில் அதிகபட்சமாக பிரப்சிம்ரன் சிங் 35, ஹர்ப்ரீத் பிரார் 29, சாம் கரன் 20 ரன்கள் எடுத்த நிலையில் மற்ற வீரர்கள் அனைவரும் ஒற்றை இலக்க ரன்களில் ஆட்டமிழந்தனர்.

குஜராத் டைட்டன்ஸ் அணி தரப்பில் அதிகபட்சமாக தமிழகத்தை சேர்ந்த சாய் கிஷோர் 4 விக்கெட்டுகளை கைப்பற்றினார்.

பந்தாடிய தெவாட்டியா

தொடர்ந்து 143 ரன்கள் அடித்தால் வெற்றி என்ற இலக்குடன் களமிறங்கியது. தொடக்க வீரர் விருத்திமான் சஹா 13 ரன்களுடன் ஆட்டமிழந்து ஏமாற்றினார்.

எனினும் 2வது விக்கெட்டுக்கு இணைந்த கேப்டன் கில் மற்றும் சாய் சுதர்சன் ஜோடி நிதானமாக விளையாடினர். இருவரும் 35 ரன்கள் மற்றும் 31 ரன்களுடன் வெளியேறினர்.

அதன்பின்னர் கடைசி வரை ஆட்டமிழக்காமல் அதிரடியாக விளையாடிய ராகுல் தெவட்டியா 36 ரன்கள் குவித்து அணியை வெற்றி பெற செய்தார்.