கிரிக்கெட் ரசிகர்கள் ஆவலுடன் எதிர்பார்க்கும் ஐ.பி.எல். தொடரின் 17வது சீசன் வரும் 22-ம் தேதி தொடங்க உள்ளது.

சென்னை சேப்பாக்கம் மைதானத்தில் நடைபெறும் முதல் போட்டியில், நடப்பு சாம்பியன் சென்னை சூப்பர் கிங்ஸ் அணியும், ராயல் சேலஞ்சர்ஸ் பெங்களூரு அணியும் மோதுகின்றன.

இந்த போட்டியை காண ரசிகர்கள் ஆவலுடன் காத்திருக்கும் நிலையில், அதற்கான டிக்கெட் விற்பனை ஆன்லைனில் இன்று (மார்ச் 18) காலை 9:30 மணிக்கு தொடங்குகிறது.

போட்டிக்கான டிக்கெட்டுகளை Paytm செயலி மற்றும் insider.in இணையதளம் மூலம் பெறலாம் என தெரிவிக்கப்பட்டுள்ளது.

குறைந்தபட்ச டிக்கெட் விலை 700 ரூபாயாகவும் அதிகபட்ச டிக்கெட் விலை 7,500 ரூபாயாகவும் நிர்ணயம் செய்யப்பட்டிருக்கிறது.

கடந்த முறை I J K ஸ்டன்ட்களுக்கான கட்டணம் 2 ஆயிரம் ரூபாயாக இருந்த நிலையில், தற்போது, 4 ஆயிரம் ரூபாய் வரை நிர்ணயிக்கப்பட்டுள்ளது. அதேபோன்று C, D, E லோயர் இருக்கைகளுக்கான கட்டணம் 200 ரூபாய் உயர்த்தப்பட்டு ஆயிரத்து 700 ரூபாயாக நிர்ணயிக்கப்பட்டுள்ளது.