இந்தியாபுல்ஸ் ஹவுசிங் ஃபைனான்ஸ் தொடர்ந்த தனிநபர் திவால் வழக்கில் இந்தத் தீர்வு திட்டம் முன்வைக்கப்பட்டது.

ரூ.6.25 கோடி திட்டத்துக்கு எதிர்ப்பு

சுபாஷ் சந்திரா சார்பில் சமர்ப்பிக்கப்பட்ட திட்டத்தில் ரூ.6.25 கோடி செலுத்த முன்வந்திருந்தார். ஆனால், இந்தத் திட்டத்தை யூனியன் பேங்க் ஆஃப் இந்தியா, கனரா வங்கி மற்றும் LIC ஹவுசிங் ஃபைனான்ஸ் உள்ளிட்ட கடன் வழங்குநர்கள் ஏற்கவில்லை.

இத்திட்டத்துக்கு எதிராக வாக்களித்த போதிலும், மற்ற நிதி நிறுவனங்களின் பெரும்பான்மை வாக்குகளால் NCLT ஒப்புதல் வழங்கியுள்ளது. ஆதரவாக கிடைத்த வாக்குகளின் பங்கு 80.81 சதவீதமாக இருந்ததாக கனரா வங்கி தெரிவித்துள்ளது.

NCLAT-ஐ நாடும் பொதுத்துறை வங்கிகள்

NCLT உத்தரவை எதிர்த்து தேசிய நிறுவன சட்ட மேல்முறையீட்டு தீர்ப்பாயமான NCLAT-ல் மேல்முறையீடு செய்ய யூனியன் வங்கி முடிவு செய்துள்ளது. கனரா வங்கியும் இதே நடவடிக்கையை எடுக்க உள்ளது.

கனரா வங்கிக்கு 1.60 சதவீதமும், யூனியன் வங்கிக்கு 0.76 சதவீதமும், LIC ஹவுசிங் ஃபைனான்ஸுக்கு 6.09 சதவீதமும் வாக்குரிமை இருந்ததாக தெரிவிக்கப்பட்டுள்ளது.

தடயவியல் தணிக்கை கோரிக்கையும் நிராகரிப்பு

சுபாஷ் சந்திராவின் நிதி விவகாரங்களை ஆய்வு செய்ய தடயவியல் தணிக்கை நடத்த வேண்டும் என்று கனரா வங்கி கோரிக்கை வைத்திருந்தது. ஆனால், அதன் வாக்குரிமை குறைவாக இருந்ததால் அந்தக் கோரிக்கைக்கு அனுமதி கிடைக்கவில்லை.

இதனிடையே, HDFC வங்கியும் NCLT தீர்ப்பை எதிர்த்து மேல்முறையீடு செய்வது குறித்து பரிசீலித்து வருகிறது. இந்த விவகாரத்தில் வங்கிகளின் அடுத்தகட்ட சட்ட நடவடிக்கை கவனம் பெற்றுள்ளது.