சுந்தர்.சி இயக்கத்தில் வெளியான அரண்மனை படம் மெகா பிளாக் பஸ்டர் ஹிட் அடித்தது. அதனை தொடர்ந்து அரண்மனை 2 மற்றும் 3 ஆகிய படங்கள் வெளியாகி வசூல் ரீதியாக மிகப்பெரிய வெற்றி படமாக அமைந்தது.

அந்த படங்களின் வெற்றியை தொடர்ந்து தற்போது அரண்மனை 4 படத்தை இயக்கியுள்ளார் இயக்குநர் சுந்தர்.சி.

அரண்மனை 4 படத்தில் தமன்னா, ராஷி கண்ணா, யோகி பாபு, VTV கணேஷ், டில்லி கணேஷ், கோவை சரளா ஆகியோர் முக்கிய கதாபாத்திரங்களில் நடித்துள்ளனர்.

இந்த படத்தின் பர்ஸ்ட் லுக் போஸ்டர் வெளியாகி ரசிகர்கள் மத்தியில் இந்த படத்தின் மீதான எதிர்ப்பார்ப்பை அதிகரித்தது.

இந்நிலையில் தற்போது அரண்மனை 4 படத்தின் ட்ரெய்லரை படக்குழு வெளியிட்டுள்ளது. ட்ரெய்லரில் தமன்னாவும் அவரது கணவரும் ஒரு அரண்மனையில் வாழ்ந்து வருகின்றனர்.

திடீரென தமன்னாவின் கணவர் இறந்து போக, அதன் பிறகு தமன்னாவும் தற்கொலை செய்து கொண்டதாக ஊர் மக்கள் கூறுகின்றனர்.