மத்திய கிழக்கு நெருக்கடிக்கு மத்தியில் இந்தியாவின் உற்பத்தித் துறை (Manufacturing) வளர்ச்சி பெற்றுள்ளது.

அதேபோல மின்சாரத் துறையில் ஏற்பட்ட மீட்சியின் காரணமாக, மார்ச் மாதத்தில் இந்தியாவின் தொழில்துறை உற்பத்தி வளர்ச்சி 4.1 சதவீதமாக உயர்ந்துள்ளது. இருப்பினும், இந்த IIP வளர்ச்சி கடந்த ஐந்து மாதங்களில் இல்லாத அளவுக்குக் குறைவாக உள்ளது. தொழில்துறை உற்பத்தி குறியீட்டின் (IIP) மூலம் அளவிடப்படும் தொழிற்சாலை உற்பத்தி, 2025 மார்ச் மாதம் 3.9 சதவீதம் வளர்ச்சி அடைந்துள்ளது.

கடந்த ஆண்டுடன் ஒப்பிடுகையில் நாட்டின் IIP தற்போது அதிகரித்துள்ளது. தேசிய புள்ளியியல் அலுவலகம் (NSO) கடந்த மாதம் வெளியிடப்பட்ட 5.2 சதவீத தற்காலிக மதிப்பீட்டிலிருந்து 2026 பிப்ரவரி மாதத்துக்கான தொழில்துறை உற்பத்தி வளர்ச்சியை 5.1 சதவீதமாகத் திருத்தியுள்ளது. IIP வளர்ச்சியின் முந்தைய குறைந்தபட்ச அளவு 2025 அக்டோபர் மாதம் 0.5 சதவீதமாகப் பதிவு செய்யப்பட்டிருந்தது.

கடந்த ஆண்டு இதே மாதத்தில் 4 சதவீதமாக இருந்த உற்பத்தித் துறை உற்பத்தி 2026 மார்ச் மாதம் 4.3 சதவீதமாகக் குறைந்துள்ளது. சுரங்க உற்பத்தி வளர்ச்சி ஒரு வருடத்திற்கு முன்பு பதிவான 1.2 சதவீத வளர்ச்சியிலிருந்து 5.5 சதவீதமாக அதிகரித்துள்ளது. கடந்த ஆண்டு இதே காலகட்டத்தில் 7.5 சதவீதமாக இருந்த மின்சார உற்பத்தி மார்ச் மாதத்தில் 0.8 சதவீதம் வளர்ச்சி கண்டுள்ளது. 2025-26 நிதியாண்டில் நாட்டின் தொழில்துறை உற்பத்தி வளர்ச்சி ஒரு வருடத்திற்கு முன்பு 4 சதவீதமாக இருந்ததோடு ஒப்பிடுகையில், 4.1 சதவீதமாக ஏறக்குறைய நிலையாக உள்ளது.

உற்பத்தித் துறையில் 23 தொழில்துறை குழுக்களில் 14 குழுக்கள் 2025 மார்ச் மாதத்துடன் ஒப்பிடுகையில் 2026 மார்ச் மாதம் நேர்மறையான வளர்ச்சியைப் பதிவு செய்துள்ளது. 2026 மார்ச் மாதம் நேர்மறையான பங்களிப்பை வழங்கிய முதல் மூன்று துறைகள்: